Taiwan gamsung Typhoon huihpi in nawkgawp, mi 80 val liam

Taiwan gamsung Typhoon huihpi in nawkgawp, mi 80 val liam

Taiwan gamsung ah Sunday ni in Typhoon huihpi in nawkgawp ahih manin mi 80 bang liamgawp uh cih Reuters pan kiza hi. Hih huihpi nawkna hangin Taiwan gam ii khuapi ahi Taipei City sungah Electric meiteng siacip in, Essential Services tampi ki khakcip cihi.

Hih huihpi pen “Typhoon Nesat” kici a, Saturday ni akipan Taiwan gamsung anawkgawp ahihi. Central Weather Bureau te genna ah Taiwan sungteng ni 2 sungbang nawkgawpding hi ci’n genkhia uhhi. Southern parts ahzong tuikhanggawp ahih manin mi 40 bang tuikulh tungah awkcip uh cihi.

Huihpi pen khauhlua mahmah in, ahatna pen Wind speed 70 mph (119 kilometer per hour) ciliang hi. Atung a Photo sungah Typhoon Nesat huihpi hangin Motorcycle tawh atuanglaikhat tuksuk in, alensuakloh nadingin sikzawn lententan hi.

Huihpi nawkna hangin cimawh dongtuakte ahuhding in akuakhia Rescue workers 80 bangzong liamgawp uh a, tualak ah mi 3 tepen huaisia mahmah ahih manin zato ah kipuak hi ci’n Government te’n Statement ah genkhia hi.

Huih hatlua mahmah in, vanthemneng aleng in adenkhak, apuk cihte hangin aliam uh cihi.

Taiwanese international air carrier Eva Airways Corp te’nzong nai 42 sungteng vanleng avekin Cancel ahih manin, hih hangin Passengers mi 10,000 bangin nawngkailawhding uh cihi.

Video: Typhoon Nesat makes landfall in Taiwan

Electric meizong siacipgawp a, Sunday zingsang ciangciang inn 360,000 ah Electricity ki ngahsakkik zopan cihi.

China gamsung Fujian Province ahzong huihpi nawkna hangin ngabeng in aom mi 3100 te ki hemkhiasak hi ci’n China’s official state media Xinhua te’n genkhia hi.

Related: Taiwan gamsung ah Tour Bus kibung, mi 32 sikhin, 12 liamgawp ~ ZD

Mainland China sungtengzong Sunday ni in nawkding kici a, Wednesday nidong guahzu ngekngekding kici hi. Sawltak #zomidaily