Rev. Gin Khan Pau Tawntung Tawlngakna (New Delhi)
Kawlgam Khazih Tuiphuum Pawlpi Gambup Thuzeekpipa (1975 – Current) ahi Anlangh Khuami ahi, ZEISU’ ading-in minsiat mindaina, paampaihna leh nawnkhiinna kum sawtpi athuak ZEISU’ Sila Rev. Gin Khan Pau: (Pa Cinpi, Pa Tuangpu, Pa ThuuMaang te’ pianna Pa)-in New Delhi pan-in Ama’ Naseppu ahi ZEISU’ kiang-ah Tawntung Tawlngakna tuzaan 11.45 kiim-in ngah ta-hi.
Delhi-ah Rev Pau’ zii Nu Niang leh atanu Nu Lamnu om thei-a, Rev Pau’ mapanpih tawntung Rev Neng Khua Vungh’ tupa Tg. Vungh Kaih Mung-tawh om uhhi. Rev Pau’ tate Pa Cinpite innkuan, Pa Tuangpu te, Pa ThuuMaang te innkuan, Nuambawi te innkuan, Cingneu te innkuan USA-ah om uh-a, Pa’ nusiat ziak-in naakpi-in lungleeng khuangai ding uhhi. Amaute-tawh akibang-in muntuamtuam-a a-om Kawlgam Khazih Tuiphuum Pawlpi pawlmi khempeuh dahna leh khuangaihna-in hong nawkkha-hi.
Rev. Pau’ taangthu-pen amah-tawh ka’ gelh khiat-uh “Kawlgam Khazih Tuiphuum Pawlpi Makaaipite’ Muhkhiat Pasian’ Thuthuukpite (T. Zokhai 2010)” sungpan-in lakhia-in kahong nungkhah dinghi.
Vaaikhempeuh alem nading-in Pawlpi mi khempeuh-in thungetna-ah phawk kimding hihang!
Lungzuansial,
Zokhai
T. Zokhai ITNA-IN GUABANG HINNA-HI
60 Narr-Maen Drive
Croydon Hills VIC 3136
Melbourne, AU
Tel: +61 39723 0460
Mob: +61 420 800 560
Comment piaknop aomleh...