1. Kumpite’ galvan — Thuman thutak.
Kumpite’ galvan in thuman thutak ahi hi. Thukhen-zumte ah hehpihna kihel lo-in, “A mante man, a man lote man lo,” cih ahi hi.
2. Biakna mite’ galvan — Thuhoih thupha.
Biakna mite’ galvan in thuhoih thupha ahi hi. Mi a sia pen khat zong a hoih kik nading ahih nak-leh a mawhna ki mai sak hi. Thuhoih thupha tawh vai ki hawm hi.
3. Sumbawlte’ galvan — Zuau namtui.
Sumbawlte’ galvan in zuau namtui ahi hi.
(1) A pai nading uh kidong-leh a manin gen lo-a, tua pen a kidalna uh ahi hi.
(2) A vanpuak uh kidong-leh a manin genlo-a, tua pen a kikepna uh ahi hi.
(3) A sumzian zah uh kidong-leh a man in gen lo-a, tua pen a kidopna uh ahi hi.
(4) A mi phazah uh kidong-leh a manin gen lo-a, tua pen a ki-nanh-na uh ahi hi.
(5) A van lei-na zah uh kidong-leh a manin gen lo-a, tua pen a sum-meet uh ahi hi.
Khaikhopna:-
Mipilte pen zuau thei lo hilo-in, zuau lo thei hi zaw hi. Thupil’ khat-ah…..”A pasal a gum thei lo numei pen zi in neih-tak’ lo hi” a ci hi. ‘Gum’ cih pen thukhenna hun a tun ma sung hi-a, itna’ nasepna ahi hi.
Gupna i-cih pen mihingte bek hilo-in, a piang na khempeuh in a kisap khat ahi hi. Tu hun, Hehpihna Hun sungah, Thuman thutak+Thuhoih thupha+Zuau namtui, a vekin a kikhum khawm ahi hi.
Banghanghiam cihleh Thukhenna hun a tun ma sung itna in nasiatakin na a sem hi. Na it’ taktakte pen a tungah thu khen lo ding hi teh….!
Ama’ tang’in na thuak zaw nuam ding hi. (A mawh mi, eite in i-mawhna thaman i-thuak’ ding pen Pasian in hongit’ manin Satan’ kiangah, “Amau a mawh hi kei, ka Tapa hi zaw, a mawh” ci-in eite’ thuak tangin Jesu in thuakin hong sih lawh hi. Na mawhna thaman bangzah ciang hiam cih na theihnop-leh, Jesu’ thuakna zahzah hi pah hi.(John 3:16).
Tdkhen
Comment piaknop aomleh...