Twitter, Facebook, Instagram leh YouTube te gamtatzia tawh kisai President Trump in thupia

Twitter, Facebook, Instagram leh YouTube te gamtatzia tawh kisai President Trump in thupia

Twitter, Facebook, Instagram leh Youtube te in mipite post pawlkhat pen amau ut bangin selsimsak, mangsak, phiatsak cih bangin bawl thei zel uh ahih manin hih tawh kisai-in thuman a om theihna dingin nimit May 28, 2020 tawh President Trump in laimai tampi a pha order khat tangko khia hi.

A tung a online media giant kici pawlkhatte in conservative lamte thusuah pawlkhat amau thu tawh censor bawl zel uh a, liberal lamte thusuahte ahih nak leh leh etcjksak cih bang om loin suakta takin zankhah uh hi, ci hi. Tua hangin online ah kuamah gup tuam leh paih tuam a om lohna dingin USA President in thupia ahi hi.

Hih thu hangin Twitter, Facebook, Instagram leh Youtube cihte ah biakna hang maw party hang maw ngaihsut kibatloh man a deidanna leh tuambawlna tampitak phatuam dingin kilamen ahi hi.

Hih deidanna pen Zomite pawlkhat in zong thuak kha ngei khin kawmkawm ta uh hi, ci-in Zomi social media zang pawkhat in gen uh hi. Source: White House/ BBC/ The Tedim Post

USA in Chinese sangnaupang te tampi kidin khawlsakding

US gam sung College leh University tuamtuam a om Chinese galkap sangte tawh kizopna a nei sangnaupang tam khop khatte pen a Visa uh cancel sak hi ding, ci-in US Inn Kangpi pan tuni tangko khia uh hi. Hih thu pen Hong Kong tawh kisai-in China kumpi vaihawmzia dik lo pawlkhat tawh kimemat hi, ci hi.

Tulaitakin USA ah China pan pilsin a om sangnaupang 360,000 (Tul zathum) khawng pha uh a, tua lak panin mi 3000 (Tul thum) kim khawng suk kha ding, ci hi. FBI te leh Justice Department te in College leh University te kiangah China pan hong pai sangnaupangte sung panin thukansim kua teng om thei, cih kidawm ding leh pilvang mahmah dingin zasak khin hi. US gam international sangpaupangte lakah China sangnaupangte tam pen uh hi.

US gamah pilsinin a om sungun USA te kiang pan thusim tampi tak guksak zel uh hi, ci hi. Hih bang a Visa cancel sak ahi dingte pen China galkap kumpi tawh kizopna a neite hi phadiak hi, ci hi.

More: Athaulua mahmah Chinese khat lampi ah tukin, amathu in thozolo (Sengam ah mithauval tam)

2018-2019 Pilsin kumin US gam sungah international students bekbek 1,095,299 pha a, sangnaupangte sangsap man US in $ 44.7 billion ngah lawh hi, ci hi. Tua lakah Chinese student bekbek 360,000 kim khawng om uh ahi hi. Source: Fox News/ The Tedim Post