Pasal khatin Muslim numeikhat alu tuamlo ahih manin, abetlaitak Video ki thehzak
Malaysia gamsung ah pasal khatin Muslim numeikhat alu atuamloh manin abetlaitak Video kizaihkha in, Social Media tungah ki thehzak “Viral” gawp hi.
Tua Video sungah pasal khatin Bus Stop ah mawtaw ngakin aom numei honpi te mai ah dingkawm in, a ciakbuabua laitak kimuthei hi.
Tua Bus ngakin atu dimdiam numeite lakah khat thudotna nei a, bang biakna abia nahiam, banghang in hicibang in nikteen puansilhtawh kizem nahiam ci’n dongcitciat hi.
Tua numeinu pen puanvom asilh, alu pen Muslim te ngeina tawh kizui in Hijab akici “Headscarf” tawh alu atuamlo khat ahihi. Asampen Light Brown Color khat ahihi.
Tua numeinu in thudonlo in, a Phone mekkawm in, mikhat samding in kithawithawi hi. Tualaitak in tua pasalpa in numeinu pen amai abiang betsak mawk hi.
Tuaciang in tua numeinu pen atutna panin dingkhiato pahlian in, adang numei honkhatzong dingkhia uh a, tua pasalpa tawh ki kamnialpah ngeingai uhhi.
Ahi zongin tua pasalpa in thusimlo in, tua numeinu pen nehphei in, paupihding in kithawikik hi. Tuaciang in numei alutuam khatin amai ah khiangphei in, tua pasalpa tawh ki kamnial uh a, numeinu pen anawngkai saknawnloh nadingin dalphei hi.
Hih pasalpa gamtatna pen Video kizaihkha citciat in, tua Video pen leitungbup zelpah in “Viral Video” suakpah hi. British News Port minthang mahmahkhat ahi Daily Mail te’nzong suaksaksawn uhhi.
Actress leh Entrepreneur minthang khatmah ahi Noor Neelofa Mohd Noor inzong tuapa gamtatna pen mawhsak mahmah a, Twitter tungah hihbang in gelhkhia hi.
Video: Man slaps woman allegedly for not wearing headscarf, video goes viral
“Hihpen UK news portal ah kisuaksak hi. Muslim gam ahilo te’n hihbang in hongmuhding adeih ihhihiam? Malaysia leh Islam biakna pen hihbangin hongki theileh ih lunggulh ahihiam” ci’n gelhkhia hi. “So, this is on a UK news portal. Is this how we want other non-Muslim countries to see us? Muslim Malaysians in this light? Is this how we want to portray Islam and Malaysia?”
Noor Neelofa Mohd Noor pen nungdiak in AirAsia te’n Non-executive independent Director asemding in acial uh ahihi. Ama genna ah Islam biakna pen midangte’n ahoih, alungduai, azahtakkai biakna khatin hongki muhding kadeih hi ci’n genkhia hi.
More: India gamsung khuaneu khatah numei te Mobile Phone zatding kiphallo
Ahi zongin hihbangin gamtatna pen leitungbup in Muslim biakna hoihlo ci’n hong muhsakding uhhi ci’n genkhia hi.
Leitung ah koimah biakna in anungzui, athuzui te a ngong gamtatding in thuhilhna neizenzenlo hi. Tuabang gamtatna, ngongtatna tepen Islam te gamtatna hilo hi ci’n genbeh hi. Sawltak #zomidaily
Comment piaknop aomleh...