Singapore gamsung ah Zika Virus athak Case 2 ki muhkhiatbeh leuleu

Singapore gamsung ah Zika Virus athak Case 2 ki muhkhiatbeh leuleu

Singapore gamsung ah thokang panin akilawh Mosquito-borne Zika Virus kimukhia leuleu cih Reuters pan kiza hi. Zanni Friday ni in Zika Virus Case 2 aki muhkhiatbeh hi a, tukumsung bekbek in Singapore gamsung pan Zika Virus aki Report pen Case 8 bang hitota hi.

Hih Zika Virus pen thokang “Mosquito” te’n apuak kawikawi hi a, 2015 kum Brazil gampan in hongki patkhiatzawh gam 60 bangah kizelkhin cimawk hi.

Singapore National Environment Agency (NEA) te’nzong hih Zika Virus akimuh khiatna leh khuasung munpawlkhat ah sitcianna Inspection kipankik uh a, thoza “Insecticide” zong kapkawikawi ding cihi.

Khuasung innte ahzong hih Zika Virus akilawhloh nadingin innsung ah thokang omtheihna te hahsiangding, hepkhiatding kilim hanthot mahmah hi.

Zika Virus akilawhkha telak ah adiakdiak in nupi naupaai te bang lauhuai phadiak hi. Nupi naupaai te Zika Virus akilawhkhak ciangin naungek ii akhuaksung ah lutsuak in, mibanglo acingphalo in suakhiathei kici a, kilauthawng mahmah hi.

Dengue natna apua kawikawi phadiak ahi “Aedes aegypti mosquito” kici thokang te’n Zika Virus zong puakawikawi, kilawhsak kawikawi thei cihi.

Video: Everything You Need To Know About Zika Virus In 148 Seconds

Singapore Government Data tungtawn in agamsung ah tukumsung bekbek in Zika Case pen 8 bang hita hi. Nungkumsung August khapan kipan in Singapore gamsung ah Zika Virus ki mukhia masa a, nungkumsung bekbek inzong Singapore ah Zika Virus 400 Cases bang ki Report cih Reuters te’n genkhia uhhi.

More: Singapore guta numei khat thukhenzum atun madiak in asisa in kimu

Leitung gamsiangtho penpen te lakah khatin akihel ahi Singapore gamsung ah thokang hangin natna hizah in kilawhthei ahihleh mizawng gam “Underdevelopment” te ah ihtheihkhak lohhang in bangzah in natna atamzen diam? Sawltak #zomidaily

More: Zika Virus natna i cih bang hiam?

Lungno apua Aedes tho pehna panin mihing te tungah akizeel, Zika virus hangin apiang ahi hi. Tua natna i alim le meelte in cisa, ciphual (asan), guhbulte (joints) natna, mitang sanna (conjunctivitis/ red eyes) ahi hi. Tuabang nat atut ciangin nasia lualo a nitampi pan kaal khat cihbangdong sawt thei hi. Atamzaw in nak natlua kisalo ahih ciangin zato tunzawhna’ng natna a tuatlo uh hi. Zika hangin asizong tawm hi.