Kum 3 aphapan Russia gammi numeino khat amel sialua mahmah ahih manin, akinaipih tanau pawlkhatte’n meltheih ahihlam uhzong kuamah theisak nuamlo ciliang hi.
Tua numeino minpen Darina Shpengler kici a, tulaitak Russia gamsung Siberia ah om uhhi. Anatna aki theikhiazolo “Unknown medical condition” hangin amai alangphial bang siacipgawp hi. Muk neilo, khazum neilo hi. Tuabek thamlo amai akamgei tengah si luangzel cisawnsawn hi.
Hih naupangno ii anuleh apa pen Yury leh Elena kici a, Siberia, Krasnoyarsk Region sungah om uhhi. Meltheih tanau leh lawmlegual te’n natanu uh amai tuamsak, selsak un ci himahleh anu apa te’n zum ngaihsutlo in tuamsak nuamlo uhhi.
Anu in Siberian Times te kiangah agenkhiatna ah atanu Darina pen muk neilo in, akam pen aka den hi a, si tawh kituam cipden cihi.
Atanu hihbang in lauhuai zahphial in amel siacipsak ahih manin, ka sanggam numei khatlobuang, adang meltheih tanau te’n hong hopih, hongdon nuamvetlo uh cihi.
Ka lawmpa ii anu (a teeknu) nangawn in Darina pen itlo cimawk hi. Ahi zongin amau nupa in ahihleh atanu uh itmahmah in, apaina peuhah maizumlo takin tonpih uhhi.
Khuasung avakpih uhciangin mi pawlkhatin amel lauhuai salua uh ahih manin maituam “Mask” thuahsak un ci’n sawlmawk uh a, amauzong adawngkikna ah “Na etnop keileh endah lel un. Ka tanu uhpen apiang bangbang in ka it mahmah uhhi” ci’n dawngkik cihi.
Darina pen amel lauhuai ahih manin, sangkahding in Kindergarten ahzong ki kahsak nuamlo, sangnaupang adangte’n lauding ci’n sangsia te’n deihlo uhhi.
Social Services te’n laihilhsia 2 sawlzel in Darina laihilhsak uh a, amahpen lasak khawngzong nuamsa mahmah cihi.
Darina pen khacinglo in kha 7 tawh asuak hi a, asuahkhit limin hihbangin apiang cihi. Asuahkhiat khitciangin Doctors te’n buansia tawh tuamcip in anu lakngamlo uhhi.
Ahi zongin anu in atanu munuamlua in Nurse te kiangah hong ensak in ci’n akutkut ciangin nakizawh taktakciang en in ci uhhi. Atanu a etciangin amuk palo in, kamkasa in om amuh ciangin khasia mahmah hi.
ICU ah kikem in, Doctors te’n na tanu zato ah nusia mai in acih hangin anu in nusia nuamlo hi.
Atanu asuah laitak in apapen mawtaw Accident ahih manin zato adangkhat ah alup laisak cisawnsawn hi. Atanu amuh ciangin apasal pen lungkia hetlo in, azi kiangah amahpen ih tanu hi. Ama thuakna hangin ih pumkhatna aki lahkhiatna hizaw hi cihi.
Related: Russia gamsung meileng khatah Bomb puakkham in mi 11 si, 45 liam ~ ZD
Hih naupang akamteng abawl sakkikding Oral Surgeon khat ahi Dr. Orest Topolnitsky in agenkhiatna ah mihing tepen itna lungtang neilo uhhi. Huhna apiazel Charity Funds te’n asi veveding ci’n hong huhsak nuamlo uhhi.
Ahi zongin Government Insurance tawh Operation kibawlsak in, tamveipi Surgeries bawlbawl kullaiding hi ci’n genkhia cihi. Sawltak #zomidaily
Comment piaknop aomleh...