Singapore gammakaipipa Lee Kuan Yew (kum 91) in hong nusiata

Singapore gammakaipipa Lee Kuan Yew (kum 91) in hong nusiata

Leitung gam khantohna lamah aminthang vangvang Singapore gam ii gammakaipipa, Prime Minister asem masa penpen ahi Lee Kuan Yew in Monday March 23 ni in hong nusiata hi. Amahpen 1923 kum in asuak hi a, kum 91 sungbang Singapore gammite ading anuntakpih ahihi.

“Mr Lee Kuan Yew in Singapore General Hospital panin zingsang nai 3.18am in hong nusita cih lungzuang takin kong tangko khia hi” ci’n Prime Minister asem laitak ahi atapa Lee Hsien Loong in tangko khia hi.

Lee Kuan Yew in tapasal 2 leh tanumei khat nei a, a tapasal te pen Lee Hsien Loong leh Lee Hsien Yang ahihi. Atanu pen Lee Wei Ling ahihi. Lee Kuan Yew ii atapa upapen Lee Hsien Loong in Prime Minister asep laitak ahihi.

Lee Kuan Yew pen Singapore gammakai minthang mahmahkhat ahih mahbang in leitung gammakai khempeuh inzong hong nutsiat azat uh ciangin danpihna pulak ngeingai uhhi. ZD Sawltak