Mexico gamsung aom thonginn sungkhat ah Thursday ni in buaina piangin meikang ahih manin thongkia mi 52 si cih AP News in genkhia hi. Hih buaina apianna thongpen Mexico gam Monterrey khuapi sung aom Topo Chico Prison ahihi.
Zetas Drug Cartel akici guihtheih khamtheih anaksep mahmah thongkia pawlkhat te leh thongsung aom te kitawng kilaigawp uh a, tuapan in hih thongsung buaina hong nasia mahmah hihtuak hi.
Rescue Workers te’n thong akat ciangin thongkia te honkhia uh a, pawlkhat akangbaang khawngzong om ci uhhi.
Hih thu amit tawh amu khat ii genna ah thongsung ah kitotna nasia takin zankim pawl in hongpiang a, mi kuziahziah uhhi. Apuaktam khawngzong omleh kilawm a, tuakhit ciangin thonginn atunglam panin meikhu nasiatak in hong kizelto hi. Thongsung aom muaiza te kihal hiding hi ci’n genkhia hi.
Pope Francis zong Friday ni akipan Mexico gamsung ahawhding hi a, maikalsung in Mexico gamgi Ciudad Juarez City aom thongkhat ah vahawh dinghi. ZD Sawltak #zomidaily
Comment piaknop aomleh...