Singapore Airshow ah vanlengkhat kiasuk in meikuang, ahawlpa liam

Singapore Airshow ah vanlengkhat kiasuk in meikuang, ahawlpa liam

Singapore gamsung ah akibawl “Singapore Airshow 2018” ah akihel South Korea vanlengkhat tuahsia in meikuang cih Straits Times pan kiza hi. Tua South Korean Aircraft pen vanlengneu mikhatbek tuantheihna “Single-seater” te hi a, Changi Airport ah Tuesday (Feb 6) nitaklam 1:30pm hunpawl in atuahsia ahihi.

Tua vanleng pen South Korean Aerobatic Team The Black Eagles kici khat hi a, alenkhiading in akithawi laitak in kiasukkik a, Runway 1 ii apanglam ah akiatsuk khitciangin meikuang akipan cihi.

Hih tuahsiahna Accident hangin Airport sungaom Runway 2 te lakah khatpen ki khakcip sakpah hi. Nai 6 sungbang Runway khat aki khakcip ahih manin vanleng tampitak ziakaisak in, khualzinmi tampitak awkcikpah uhhi.

Tua tuahsiatna apiankhiatzawh nai 5 khitciangin Changi Airport Group te’n Facebook tungah pulakna neikhia uhhi. Atuahsia Korean Aircraft pen Runway panin ki hemkhiasak in, Runway aki honkiktheih nadingin akisep laitak hi ci’n nitaklam 6:35pm hunpawl in pulakkhia uhhi.

Video: South Korean aircraft catches fire during Singapore Airshow, pilot escapes with minor injuries

Flight Operation te lungmuanhuai takin aki zopkiktheih nadingin Runway pen hoihtak in ki sitcian, etcian masaphotding a, aki siansuah khitciangin Safety hoihtak aomleh Operation pen kizomsak kikpanding hi ci’n genkhia uhhi.

Tua atuahsia vanleng hawlpa pen bangmah liamna ahuaisiapi omlo bilbel in, vanleng meikuang ahihleh Airport Emergency Service te’n asawtlo in sumit theipah uhhi.

More: Istanbul Airport ah vanleng kia in tumnih kisuahliang, asi omlo in lamdang kisa

Straits Times te genna ah tua Korean te vanleng pen alenkhiat madeuh in Tyre kitamkham, puakkham ahih manin ki lumletgawp in tuakhitciang meikuang akipan ci uhhi. Sawltak #zomidaily