Spain gamsung ah vuuk limkiatlua in vanleng 70 val ki Cancel

Spain gamsung ah vuuk limkiatlua in vanleng 70 val ki Cancel

Spain gamsung ah vuuk nakkiatlua mahmah ahih manin vanleng te lengtheilo a, sanginn tezong ki khakcip hi. Monday ni in Madrid City atuding vanleng akigawm in 70 Flight bang ki Cancel hi ci’n AFP te’n genkhia uhhi. Spain gamsung muntampi ah Snow bekbek tawh kidim ahih manin, sanginn tezong ki khakcip sakphot hi.

Spain gam ii Capital khuapi ahi Madrid City aom Airport pen khakciploh phamawh dinmun himawk ahih manin, Runway akigawm in 4 aom lakah 2 ki khakcipsak hi.

Hih Runway 2 aki khakcipnahang bekbek inzong Flight 70 bang Cancel kulpah hi ci’n Airport management Company panin thunei Spokeswoman khatin genkhia hi. Tuani nitumkuan ciangin Runway te ki hongkik theipan hi.

Castilla-La Mancha ii Central Region sungteng ahzong sanginn te ki kahtheilo, School Bus te taitheilo ahih manin, sangnaupang akigawm in 38,000 bang sangkah kipelhpah uh a, innsung ah omcip uhhi ci’n Regional Government te’n genkhia hi.

Spain’s Northwest leh Northeast Region sungteng ahzong Snow tamluatna hangin sangnaupang tultampi sangkah kipelh uhhi.

Video: Heavy Snow Blankets Spainish City

Khuahun “Weather” pen sialua mahmah ahih manin, meileng zong taisak ngamlo uh a, gambup phial ah meileng Railway Lines tezong ki khakcip hi.

Hihpen tunai Spain gamsungah vuukkiatna ahuaisia penpen ahihi.

More: Spain leh Portugal ah gamsung meikatna hangin mi 45 in sihlawhkhin

Nungkhasung inzong Madrid City geinai ah Snow limkiatlua mahmah ahih manin, mi tultampi mawtaw sungah awkcip uhhi. Tuate ahonkhiading in kumpi thunei te’n galkapte sawlkhia uh a, galkap bekbek 250 bangin ahonkhiading in kuankhia in buaipih mahmah uhhi. Nungdiak mahinzong Spain leh Portugal gamsungteng ah meikatna hangin mi 45 bangin sihlawh uhhi. Gamsung meikangzel, khuahun votlua in vuuk kiagawpzel…. Sawltak #zomidaily