Tedim ah ui khoilohding vai: Sipin zumpan dawnkikna

Tedim ah ui khoilohding vai: Sipin zumpan dawnkikna

Sipin Zumpan Dawnkikna
A nuai aa sanggampan Sipin te uital cih zah dong kogiap ahih man in, Sipin zumpan tawmcik hong dawng kik ungh. Sipinte bel uital a bang hi mah khat veivei kongzin teng ah kivak in mite gensiatna leh sumpiakloh kithuak lai lai.

Ui Khawiloh Ding Tawh Kisai

Tedim zumkhempeuh kimuhkhopna (ဌာနဆိုင္ရာ အစည္းအေဝး) ah ui khawinawnloh ding cih kithukim. Sinpinte ut-thu thutung bek tawh kikham hi lo. Kaptel, Lailo, Muizawl leh Zogam khuadang tampi-ah ui khawi khaamkhin zo uh hi. Heilei bang in 2000 kumpek in ui khawi nawnlo uh hi.

Ui a khawi nawnlokhuate in zingthawhnuam, ankamlimtua cidamtuam, nopnadahna-ah ui kimu nawnlo in in siangtho mahmah cin kipakmah mah uh hi. Ui hoihna leh hoihlohna tehkak lecin telpah ni teh.

Phiamsiah (Tax) Tawh Kisai-

Koimun koigam-ah omtaleng kumpite tung phiamsiah i piak ding eimau mawhpuak ahi hi. Gambup leitang kumpi aa ahi hi. Phiamsiah i piaknop kei leh khuasung-ah teng lo in gamsimtham ah teng ding hipah leh hi.

Tuazong Phiamsiah hong kila nuam leh kingah hi lai. Kumpite a kipia hilo zaw aa i gam leh khuasung khantohna ding aa kizang ding sum na gige hi.

Inn mun, Logam

Zomi tangta lungtup pen Tedim khangto ding, district college, university ngah in nunnop damtui luang ding cih ahi hi. College, university te ngahleng i lam nading leitang kicing omlo hi.

Tua hi aa thunei ten aituam lungsim neihetlo mipite ading in ngaihsut nalianpi tawh Tualzang, Lailo, Lailui, Tuilangh cihte leitang tungah College, university lam nading in khuakim hausa khuanu, khuapate tawh holimna va nei uh hi.A mauzong lungdam tak in na thukim pah uh hi.

Sipin ten a mau aituam phatuamna in a zat na muhleh zum-ah ki khia thei hi. Tuhun pen mipite deihna bang kikalsuan hi zaw hi..

Tuipigal pan thutelkhinlo in, hong mawhsakpah keizaw unla, thu leh la limtak khinkhai un la, mailam thu saupi hong khual un.

A thu a kicing in a telnuam ten Tedim Municipal Zumpi-ah honghawh un.Itna tawh hong welcome den hi ungh. Source: Tedim Municipal

Tedim khuapi Leitang (Area) behlap dingvai

December 2,2017 Tedim Sipin zumpan EO,SAE leh committee te tawh Tedim leitang mun(area) behlap nading munvai Tualzangkhua hausa leh khuanu khuapate tawh holimna vanei uh hi.

Committee makaipi Pa Dam Khaw Zam
leh Sipin zumpan EO in lunggulhna thusunna vanei thei uh hi.Tedim khua leitang behlap nading mun pen Tualzang leitang ahi hi.

More: Kum 2017 April 15 ni a ZCD zumpi Tedim ah CEC kamkup thukhensatna

Tualzang Hausa Cin Do Khup in mipi telsiam theih nading genbeh hi.

Tedim khuapi-ah pilna-sang sinna University College te hong om leh mipitampi ading phatuam mahmah ding aa,zawnzong gumtuam mahmah ding leh ih Tedim ih Zogam hong khangto in paak bang hong tawisang ding ci’n mipite thukimbek thamlo in lungdam kipak mahmah uh hi. Source: Tedim Municipal