30.9.2014 Tuni leitung thuthang te

30.9.2014 Tuni leitung thuthang te

ISIS Makaipipa Abu Bakr Al-Baghdadi Tangthu – Leitung bup a om hiamtawi gamnuaimi teng lak ah ISIS te a haupen uh a hi hi.Hih ISIS makaipipa Abu Bakr Al-Baghdadi pen England gampan a khangkhia hi in,Islamic Studies ah Ph.D ngah khat a hihi.2010 in ISI ah maikai pi sem hi.Hih ISIS te in Syria gam a,Nam-gim tui pian na khuk 11 te nasuhsak in,Nam-gim tui pen pipa 1 ciang $100 man pen a mau in,$45-60 ciang in zuakzel uhhi.Tulaitak ISIS te in namgimtui $5.2 Billion nei uhhi.Hih ISIS te pen Saudi Arabia leh Qatar gam mihau ten zong nasiatak in huh thei zel uhhi.

.A van neih teng uh pen..SA-7,String Surface-to-Air missile,M79-Osa,Hj-8,AT-4-3Pigot Anti tank,Weapon Type-59,Field-gund,M-1117Armoured car,M-198 Hawitzers,Humvecs,T-54/55 an T-72 main,Battle tank,Truck mounted,Dshlc guns,Zu-23-2 anti air craftf gun,Bm-21 Gred Multiple,Rockket lounches leh Scud Missile khat nei uhhi.

.US leh akipawlpih te in nasiatak in vanlam tawh IS te akap uh hang in, IS te mithatna pen khawl sak zo nailo hi.Hih thu tawh kisai US President Obama in agen na ah ol ngaihsu ing lua kha ka hih hang hi cihi.Iraq galkap te tawh kisai in agen na ah Iraq galkap te in deih bang in sem zo sa lo hi.

.Mi Ngongtat Mi buaisak te in Turkey gamgi dong hong banto ta ci hi.Tua ahih man in Kobani tawh KM 3 ( taai 2)ki nai in omta hi cihi.Hih Kobani pen Kurd mite omna gam hi in, tu nung in zong hih lai pan Turkey gam ah IS te lau na hang in mi tulsawm lom in galtai hi.A zenzen in IS te in Kobani hong lazo hi leh Turkey gamgi dong agam uh hi ding in Raqqq pen IS te khuapi ci in pulaak ding hi.Kobani a thunei khat ahi Idriss Nassan ii gen na ah, huhnna kisan, galvan kisam, vanlam pan anasia zaw a kap ding kisam cihi.Hih bang dan in paisuak leh IS te Kobani hong la zo leh IS te in mipi te that ding cih pen kalungsim ah ngaihsun zokeng cihi.

.Bangladesh kumpi te in, IS te ading in mi khon ding aa, a upmawh uh mikhat man uhhi.Hih tawh kisai in Kumpi thu neite gen na ah, Samium Rahamn pen Syria gam a IS te leh al-Nusra Fornt te ading in mikhon ci in BBC ah gen hi.Kawl gam lam ah zong Rahman in mikhon ding in lam en uhhi.Hih bang thu thang te hang in UN khawnpi a apai ASEAN te in thu suah na khat bawl in, tulaitak Syria leh Iraq gam a Mi ngongtat Mibuaisak te ih do zawh kei a leh leitung galmuanna susia ding uh hi cihi.ASEAN pen sunni te tam cihi.

.Israel PM Netanyahu in Iran te pen IS te sang in lauhuai zaw hi cihi.Nuclear bawl thei le uh aki neih khem nuihmai te bei ding hi ci in UN khawmpi ah gen hi.IS te do in nuclear bawl te nusia leng tomkal sung a ding galzo in, ahih hang in anung ciang in gal lelh cihtak in ki lel ding hi cihi.IS te leh Hamas te kibang ci in zong gen hi.Anih tuak un Nazi te tawh ki bang cihi.Nazi te in nampi hi ung ci in gen a, IS te inzong Islam hi ung ci in PM Netanyahu in gen hi.PLO te in ahih leh Netanyahu thu gen nop te pen kitukkalh ci uhhi.

.Hongkong ah Sangnaupant te makaih in lungsim pholakna neihna ah Sundayni in mikikhen thangsakna ding in gas te zasante zang in ahih uh hang , khen zolo uh hi. Hih lungpho na ah mipi te leh nasem mi te in zong zui uh hi.Hih bang a lungpho lakna neih na ah khua sung mun hoihna te lampi khak uh ahih man in, bank 17, leh sumbuk te kikhak hi. Hih bang hang sum lei sum zuakna lam zong siasak hi cihi.Mipi te deihna in 2017 kitel pi ciang Democracy bang lian a kitel ding hi in, Sen kumpi in ahih leh amau deihte bek in kitel pi ah kihel thei ding cihi.Hih bang a lungpho lakna deih na ah Sen kumpi in gamdang te in apanpih loh na ding in gen a, koh vai pen koh leh koh na ki phelh ding hi ung ci hi.Mipi te pen thukhun ii pua lam ah om uh hi cihi.UK te in a gen na ah Hongkong nopsak na, muanna te pen Human Right bang a om sak ding, suahtatak a om ding kipia khinsa ahih mam in,thu man thukhun bang a gamtat ding, Democracy bang lian a khiatna nei a mai naawt ding in tha pia hi.US kumpi te in agen na ah ciangtan a mipi te in omsak ding ci gen hi.Mipi te in HongKong Makai Mr.Leong zong a nasep na pan akhawlna ding in gen uh hi.Hih buaina hang in sangte zong kikhak in mi 56 liam cihi.

.Afhanistan gam ah Ashraf in kumpi sem ding in kiciamna nei hi.Hih hun a thu kong hon na ah thu ngen a,Kum 13 sung gam nuai a om Taliban te in kilemna om thei na ding thu kikup na thu ngen hi.Tua ban ah IS te thu zong gen a,gamsung ah hih alau huai hongki zel ding ci in theihsakna gen a,gamdang pan in galsim ding hong pai te deih lo cihi. Hih ni mah in thu neihna kihawm ahi Adullah in zong kiciam na nei in,amah pen Executive prime minister hi in kalsim meeting na ah aman makai ding hi.Hih bang hun thupi a zat laitak un Kabul airport leh akim ah bomb puak kham na hang in mi 15 si cihi.

.Japan gam mual sangpen nihna ah meimual puak khapna hang in nasem te khawl phot uhhi cihi.Hih thu tawh kisai in agen na ah, mual tung pan in gu om meikhu te,sungte leh vuttui te hong pusuak lai ahih hang hi cihi.Hih hang a nasem meiphelh te leh galkap te ki ngawn a vek pi in mi 500 pha cihi.Thakhat a meimual puakkham lai tak in ontake mualdawn ah mi 100 val om cihi.Hih meimual puakkhap na hang in mi 60 liam in 36 si cihi.Hih te pen sunday ni in helicopter tawh pua uh cihi.

.Papi khat in azi kiang ah sum 200 nong piak nop kei a leh ka ta pet ding hing ci in 20 vei vau cihi.Hih thu piang pen Subang jaya Malaysia ah ahihi. A zi in a sum nget pia nuam pak lo a hih man in atapa hong pet tak pi hi.Hih atapa apet na hang in Fridayni in, kum khat a pha ata pen amai ah mun li liamma om ahih man in, zato puak uhhi.Azi in sum RM100 apiak ciang khah pan cihi.Palik te kiang ah aki gen khit ciang in tua mipa kiman hi cihi. Ref: the star paper, cnn, bbc, voa,wzn. Cin Ngaih