Singapore ah setkahlei Escalator khat ki zialtongawp, numei khat tawmliam

Singapore ah setkahlei Escalator khat ki zialtongawp, numei khat tawmliam

Singapore gamsung aom Shopping Mall khatah setkahlei Escalator kisia in, numei khat gawikha dektak cih Straits Times pan kiza hi. Centrepoint Shopping Mall sungah Thursday nitaklam 2.05 hunpawl in thupiang ahihi.

Hih buaina Incident apian laitak in aomkha papi khat ii agenna ah atanu pen kum 4 bek aphapan hi a, Paragon aom Mindchamps Preschool ah sang akahsak cihi.

Atanu sangdawn in Cavenagh Road lam zuanin aciahphei uh hi a, Centrepoint Shopping Mall sung nawkphei uhhi. Nidang hileh atanu pen khetawh apaizel hi a, tuani pen ihmu ahih manin, naupangleng “pram” sungah sawnkawm in kapai cihi. Anung ah amau innnasem Maid nu inzong azui ahihi.

Centrepoint Shopping Mall sungah Escalator tawh atuahsuk laitak in aging guapguap khat om a, tuaciang in amanzong anung ah azui Maid kiangah diangkhia in ci’n ka otsan cihi.

Amahpen atanu tawh anuai tungkhindeuh a, Maid nupen tungsuk nailodeuh ahih manin, Escalator panin adiangkhia dingin otsan hi. Maid zong diangkhiathei bilbel a, Escalator in gawikhalo hi. Ahi zongin tawmkhat akhe kikuikha in liamveve hi.

Tua papipa’n zong Escalator pen Photo zaih in, tua Photo sungah Escalator aki zialtongawp ki muthei hi. Ama genna ah Public Safety pen lunghimawhhuai mahmah hi. Hih buaina apian khitzawh Minute 5 ciangin Security Guard khat hong kuadawk panhi. Tuakhit ciangin Technician pawlkhat hongtung uhhi. Ahi zongin kuamah in tua Escalator omnateng umcipding, Cordon Off bawlding ngaihsunlo uhhi ci’n genkhia hi.

Centrepoint Shopping Mall panin thunei te’nzong hih thupiang pen amanmah hi ci’n genkhia uh a, Basement aom Escalator khat ahihi ci’n genkhia uhhi. Hihvai tawh kisai in Building and Construction Authority (BCA) te kizasak in, Escalator Vendor OTIS tezong hoihtak asitcian dingin ki zasak ci uhhi.

Hih Escalator pen Authorised Examiner te’n hoihtak akanciankhit, ki zangkik theiding ci’n Rectification abawlmasiah ki khakcip photding hi ci’n thunei te’n genkhia uhhi.

Related: Hong Kong Shopping Mall sung aom Escalator khat lehtaigawp in mi 18 liam

Kahlei ah khetawh kahciatciat sangin Escalator tepen tawldam mahmah hi. Ahi zongin tuahsiatna zong kiza zelzel a, lauhuai naciangzong omveve hi. Adiakdiak in naupang, naunen tawh akithuah te’n Escalator pen kidop huai phadiak hi. Atuahsia tampi omkhin, asi tampi kizaza khin hi. Sawltak #zomidaily