Kong it Zomi sanggam te aw,
Nuntakna hu ongpia a, ong kem den i biak Topa’ min in kong hopih masa hi. Tuma kal 2 hun lai in Pa Go Cin Kham (Haupi khua) leh Nu Man Khan Cing (Tauleng khua) te tanu Lia Kap Sian Hoih Kim in a Lungtang vangin ki-at kul ding cih thu kong zasak khini zo hi. Tua kong zaksak ni a kipan in Zomi a kuama ciat in lunghihmawhna leh veina tek tawh thu hong nget sakin, tua bek hilo in a sumtang mahmah in zong itna nong lahna te uh hangin nakpi in ka lung a dam hi. Tuni ciang dong paypal pan ongkikhak $570 cingta hi. Tua lo Malaysia sung pan, Singapore pan Khazih sungah unau te in nong itna te uh ka muh ciangin lamet ngamloh zah phial in nong huhna te uh hangin nakpi in ka lung uh dam hi. Tu lianin RM 35000 val bagn kingah ta hi.
Lia Hoih Kim pen a thu ka zakcil lian in Kajang zato ah a nu tawh om uh a, siavuan te in ki-at ding a gelsak hun in sum om nailo ahih manin a hun hong kipelh mawk hi. Tua kawmkal leh amah zong tampi hong nuamtuam in, a cisa den pen zong hongkiam zaw ahih manin Siavuan te in na discharge kik phot uh a, ki-at hun ding a lem hun ah kizaksak kik dingin na ki vaikhak uh hi. Tu in a inn uh ah om phot uh a, a baawlding siavuante lem hun ciang in Zato pai kik ding hong suak hi.
Tu-a dinmun lian tawh sum pen cing zo nai hetlo mawk ahih manin nakpi in kilungkham lai hi. July 22 ni panin Kajang zato a lupna uh zong RM20600 bang ong val ziau mawk ahih manin, ki-at kibawl nang pen a sum ding lem zo nailo lai hi. I biak Topa in ki bawl kullo in dam siangthona ong piakna ding thungetna ah nong na phawk pih ciat un. Muanlahna hilo a, muan luatna hi zaw hi.
Lia Hoih Kim natna pen a suah zawh kha 2 khit ciangin a lungtang ah 3.2mm a vang om a, tua a vang pen huk kik kisam hi. An pen a kam pan ne theilo in a nak panin hose/pipe tawh kipia hi. A kisam zah huih dik zo lo ahhih manin Oxygen kipia hi.
Tua hi in at kul se lo a, damna ong ngah ding Topa’ khut sung ahih manin thugnetna ah hong phawk pih ciat un. Huhna ongpia nuam, honog huh zo ding te in hih Paypal panin ong khak thei hi uh teh. https://www.paypal.com
NB: Kei pen Lia Kap Sian Hoih Kim tawh kisai in veina leh itna tawh huhna a ngetsak bek ka hi a, Khazih sungah ka nau hi leuleu hi. Kei laigelh a umlah te in hih phone nambat te ah hoih tak leh suakta tak in kidong thei hi.
Cing Boih (Hoih Kim’ Nu) +601139574492
Vungpi (Hoih Kim’ Nuno) +60182641960, +60163531772, +60173588100
David Lian
Comment piaknop aomleh...