Ongkung tungpan Onggah alo “Coconut Plucker” pasal khat agawl ah khau kivial sakkha in, ki gui awk lum dektak hi. Tualaitak pen agalpen Video kizaihkha a, Social Media tungah ki thehzakgawp “Viral” hi.
Hih thupiang pen Malaysia, Kedah State sungah thupiang hi ci’n NST te’n genkhia uhhi. Alor Setar, Pendang, Kobah khuasung ah nung Thursday ni thupiang kici a, pasal khatin Coconut alawhkhit ciangin khautawh akumsuk ahihi.
Video Record akibawlkha pen Second 53 sawt a, tua Video pen WhatsApp leh Facebook tungah ki thehzak gawppah hi. Video sungah pasalno pen Coconut tungpan in khau khattawh kikhai lengleng in kipekpek hi.
Akhut aveilam leh agawl kigapcip khamawk a, ataklam khuttawh akisut, akiphelsawm hangin kihonkhia theilo in, sidek phialta kici hi.
Video: Kedah coconut plucker nearly strangled by rope as onlookers watch in horror
Tualaitak in anuai pan amukha khat amanlang in Coconut tungah kahto a, ahi zongin honkhiapah theilo sawnsawn hi. Anunung ah agawl ah khau kivialcip pen lehpeisak in, pasalno papen anuai ah kiasuksak mai hi.
Related: Cidam nading atheihhuai mehteh mehgah pawlkhat
Pasalno pen anuai ah kiasuk in agawl kikhaina pan siman samlo hi. Ahi zongin thuaklah mahmah ahih manin, zato hongpuak un ci’n alawmte kiangah genkhia cih kiza hi. Sawltak #zomidaily
Comment piaknop aomleh...