USA, Ohio State sung aom sanginn sungah thau kikap, asi aliam omlo

USA, Ohio State sung aom sanginn sungah thau kikap, asi aliam omlo

USA, Ohio State sung aom High School khatah Friday ni in sangnaupang khatin thaukeng in mi kapsawm hi. Tualaitak in sanginn ah nasem “school employee” khatin ahunlap in nakhaamthei ahih manin sisan luangmanlo hi cih AFP pan kiza hi.

Columbus Police te genkhiatna ah tua thautawi sangnaupang pen kum 18 aphakhin Adan Abdullahi kici minneikhat hi ci uhhi. (amin enleng kua, bang biakna hiding cih ki ngaihsunthei pahlel hi).

Schioto High School ah Friday zingsanglam in thupiang hi a, Adan Abdullahi in sanginn sungah thautawh akapsawmna hangin buaina apiang ahihi.

Thautawh mi akapma in School Employee khatin thautawipa pen na hopihpih theihi. Alungsim adaih theihtheih nadingin na genpih in, tua kawmkal in ahunlap in ki mankhiathei hi ci’n Columbus Police Chief Kimberly Jacobs in News Conference ah genkhia hi.

Thautawipa pen sanginn huangsung “school safety zone” ah thaukapna hangtawh Second Degree Felony in thu kibawl a, palik te’n mansuak uhhi.

Video: One person is in custody following a reported shooter situation at Columbus-Scioto High School

Hih buaina hangin Emergency Personnel honpikhat in sanginn delhpah ngeingai uh a, School Building panin sangnaupang te ki paikhiasak hi. School Officials te’n sangnaupang khempeuh amuanhuaina munah hemkhiapah uh cihi.

Hih Schioto High School pen sangnaupang Grade 6 panin Grade 12 dong akahtheihna sanginn khat ahihi. Sangnaupang khatin The Columbus Dispatch Newspaper te tungah agenkhiatna ah sanginn laisinna Classroom sungah katut latiak in thaukikap aging khat kaza cihi. Tuaciang in Lockers geiteng ah kaki bucip uhhi ci’n genkhia hi.

Related: Sanginn dailenbuk “Toilet” sungah CCTV kikoihmawk ahih manin ki lungkimlo

Sangnaupang teng anu apa tetawh aki muhkik uhciangin kikawi in, kikah in khitui naptui tawh kidim uh a, lungsim sukha mahmah hi ci’n TV Staton WSYX te’n genkhia hi. USA gamsung aom sanginn High School, University te ah thautawi migilo, ahih keileh sangnaupang thautawi te’n nawngkaisak theizelzel uhhi. Sawltak #zomidaily