Singapore Shopping Mall pan pasalno khat akiat laitak Video kikhah

Singapore Shopping Mall pan pasalno khat akiat laitak Video kikhah

Singapore gamsung aom Orchard Central kici Shopping Mall golpi sungah nung Friday (Feb 24) ni in pasalno khat kiasuk in sihi. Tua akiatding lianlaitak CCTV panin Record akibawlkha Video Clip pen Online Social Media tungah kizelgawp cih CNA pan kiza hi.

Tua Video Clip pen Second 15 khawngbek hi a, Orchard Central leh Orchard Gateway akizopna Linkway tungah pasalno khatleh numeino khat dingkhawm uhhi. Tua CCTV pen Orchard Gateway lamsang panin aki Record kha hiding in ki ummawh hi. Pasalno pa akiatsuk madeuh in numeino nutawh kihoho leh kilawm kici hi.

Pasalno pen akhutnih tawh zawl Railing akikhungpen lenkhawm in diangto a, numeino in Video zaihkawmleh kilawm hi. Pasalno pen a upmawhlohpi un kiasuksuak hileh kilawm a, numeinu zong pataugawp in akhuttawh galvan keei hi.

A video circulating online appears to show the moments before a 17-year-old boy fell to his death at Orchard Central on Friday (Feb 24).

Pawlkhat Reports akigenna ah tua pasalno pen a Mobile Phone kiasak in, anuai ah thamcip ahih manin, tua atopsawm kici hi. Etpak in amuanhuai dingtawh akibat zenzen hangin mihing akhohzahding in anuai nakiplo ahih manin kiasuk in asihlawh hihtuak hi.

Tua pasalno pen kum 17 bek aphapan Jonathan Chow Hua Guang kici minneikhat hiding kici hi. Nungkal Friday 4pm hunpawl in thupiang hi a, Singapore Civil Defence Force Officers te’n Tan Tock Seng Hospital ah amanlang in puakpah uh himahleh zato ah akibawlbawl laitak in sisuak hi.

Jonathan ii Facebook tungtawn in aki muhkhiatna ah amahpen Australia, New South Wales aom Randwick Boys’ High School ah sang akah hihtuak hi.

Teen dies after falling four storeys at Orchard Central mall

Singapore ah nungkum in ciahkik a, National Service lutding in angak laitak hi ci’n apa in genkhia kici hi.

Hihtawh kizui in phawkding a, Malaysia meileng lampi te dai akikai tammello a, vankhatpeuh ki kiatsuah ziauziau theihi. Tuabang in vankhatpeuh kiatsuahkhak zenzenleh ei thu in kumsuk in topziau hetloding phawk huai hi. ZD Sawltak #zomidaily