Malaysia, Shah Alam aom Shopping Mall ah damiah lut, RM1.2 Million manneiding puakhia

Malaysia, Shah Alam aom Shopping Mall ah damiah lut, RM1.2 Million manneiding puakhia

Malaysia, Shah Alam vengsung aom Shopping Mall khatpan guta damiah mi 4 in RM1.2 Million manneiding suangmanpha puakhia uh cih NST pan kiza hi. Zanni Friday nitaklam in Shah Alam Section 14 sung aom Shopping Mall khat ii Goldsmith Shop khatah damiah alut ahihi.

Damiah tepen mi 4 pha uh a, Minute 7 sungin suangmanpha zuakna saisung panin Rm1.2 Million manneiding agukhia vingvengziau uh ahihi.

Damiah tepen puanvom vive silh uh a, khuttuam thuah uh cihi. Motorcycle Helmet lukhu akhusa in Shopping Mall sungah damiah mi 3 lut uh a, apualam ah damiah khatpan in ngakgige hi. Nitaklam 7:30pm hunpawl in Ground Floor aom suangmanpha zuakna Goldsmith Shop aluhkhia uh ahihi.

Hihvai tawh kisai in palik thunei Selangor Criminal Investigation Department deputy chief Assistant Commissioner R. Supramaniam in agenkhiatna ah damiah te lakpan in khatpa in thau vanlam ngatin khatvei lawnmasa a, tuakhit ciangin Sledgehammers sekpi tetawh suangmanpha kikoihna Jewellery Display showcases leh cabinets te sekkhamsuk ziahziah uh cihi.

Akigawm in Jewellery Tray 7 sungpan in suangmanpha akikoih teng luakkhia uh a, amanzah akituat ciangin RM1.2 Million bang manneiding cihi. Tuateng tawh amanlang in pusuak uh a, apualam ah Motorcyle 3 tawh taikhia vingveng uhhi.

Tua damiah te lutlaitak pen Jewellery Shop sungah Customer kuamah aomloh laitak hi a, saingak Employee mi 4 aomte pen kuamah aliam omlo uhhi.

Palik thunei te’n hih Jewellery Shop sungah akithuah CCTV leh Shopping Mall ii CCTV te gawmtuah in, hih damiah te kuate hiam cih hoihtak kankhiading uh cihi. Tuaban ah Security Guard te leh ageinai ah amukha tezong hoihtak kidongcian laiding cihi.

Tua saingak in aom Sales Assistant Nurul kici khatnu ii genna ah hih damiah mi 3 tepen Shopping Mall ii Concourse panin honglutphei pen ka galmuh a, amau Jewellery Shop lam zuanin honglutphei cihi. Apuansilh leh akithawidan pen lamdang kasak simsim mahhi ci’n genkhia hi.

Video: Four robbers ride off with RM1.2m worth of jewellery from goldsmith shop in Shah Alam

Tuaciang in kalawm te kasam a, hongpai un endih un. Hihte puansilhdan lamdanglua, akhutsung uhahlah sekpi tawikawm ci’n kagen kawmkawm leh anunung kaphawkpen thauging khat kaza a, mipi khempeuh patau in Shopping Mall ii Concourse lamah ki pusuak ngeingai cihi.

Agamla panin ka etkik ciangin sekpi tawh Jewellery Case te sekkham uh a, manlang mahmah uhhi. Tua damiah tengpen Shopping Mall panin ataikhiat khitciang “damiah! damiah!” ci’n ka awngkhia theipan uh cihi. Ka naseppih te kuamah aliam omlo ahih manin phadawm hi ci’n genkhia hi.

More: Kuala Lumpur khuasung aom vanmanpha zuakna Jewellery Shop ah suntangpi in damiah lut

Malaysia gamsung ah hihbangdan suangmanpha zuakna Jewellery Shop kiluh pen kinawh simtham, tamsimthamta hi. Tamveipi kizazakhin himahleh thunei te’nzong khamzo tuanlo uh a, asaizuak tezong amauleh amau kihuzo tuanlo uhhi. Security Guard khawng adin gemgamsam hangin, buaina taktak apian ciangin, thaukhawng akilotsan giapgiap ciangin kuaman bangmah cihngam tuansamlo uhhi. Banghanghiam cihleh damiah tepen asi ngamin hongki thawikhia uh hi a, Security Guard leh nasem te ahihleh sihsawmnai hetlo in, sum thalawh in nasem in aom uh himawk hi. Sawltak #zomidaily