ZIUSA 2017 Kumcin Khawmpi hong kah un
- Zomi Innkuan USA
- 2017 Kumcin Khawmpi leh Kiteelpi
- July 2~3, 2017 (Sunday~Monday)
- 8:00AM ~ 5:00PM
- The Other Side Event Center
- 6904 S. Lewis Ave.
- Tulsa, OK 74136
Dear..,
Laizom U leh Nau, Nu leh Pa, Lawm leh Gualte aw,
Zomi ih Minam Min leh Zomi Innkuan USA Kipawlna tang’in Dammaw ci-in hong muak ing.
Zomi Innkuan USA Kipawlna 2017 Kumcin Khawmpi akah dingin US Gam sung a om laizom Zomi khempeuh itna leh zahtakna tawh hong kisam hi.
Kumcin Khawmpi sung ah Zomi Innkuan USA Kipawlna dinmun leh abeisa a Maban kalsuannate pulakna, hilhcianna leh kikupna hun kinei ding hi.
Kumcin Khawmpi sung ah Kipawlna Thukhunpi leh Ngeina Dante puahpha dingin kigeel a, Khawmpi akah mipi atam zaw thukimna tawh kikhensat ding hi.
Thukhunpi leh Ngeina Dante puahphatna bangin Kipawlna Kivaipuakzia pen anuai a bangin kilam sawm hi.
Congress: Zomi Innkuan kipawlna tuamtuam pan akipuak Tangmite leh Palaite
Board of Directors: Congress in ateel Makaite
Executive Director & Officers: Board of Directors in acial Tanupite
(President, General Secretary cih panmunte leh Executive Committee pawl om nawnlo ding hi).
Kiteelpi kibawl ding a, Khawmpi sung pan tu laitak a Board Members tengin Kivaipuakzia athak zui in Panmunlen (21) Board of Directors Pawl teelkhia ding hi. Tua Board of Directors Pawl in Executive Director a kipan Maban zui in Officers/Directors tuamtuam leh Committee tuamtuam cial ding hi.
Kumcin Khawmpi hun sungteng in innteek Zomi Innkuan Oklahoma kipawlna in annek tuidawn kicing takin hong vaak ding hi.
Zomi a it, Zogam avei, Khua leh Tui a’ding a lung himawh, Kipawlna adeihsak laizom Zomi khempeuh itna tawh hong zawn phapha ung.
Khawmpi ah kimu ni ei.
Lungdam.
GSKhup
General Secretary
Comment piaknop aomleh...