Sat Geihgeih

Sat Geihgeih

Tuipi geia piaunel lakah phungzi khat leh naupang honkhat laileng khah in na kimaw keei uh hi. Tualai takin amau omna lam zuan in thuthuk kan papi khat manmawh takin hong pai phei saisai a, phungzipa kiang atun ciangin anuai bangin thu dong hi.

“Sya aw bang hangin nang pen hibanga zi nei lo ta nei lo in Pasian nasem in kipumpiak mawk na hiam?”

Syapa in hibang in dawng hi. “Lawm aw ka nuntakna khempeuh,ka siangthona khempeuh, ka thahatna khempeuh, ka pil ka siamna khempeuh leh ka hunneih khempeuh siit neilo in ka Topa nasepna dingin azang nuam ka hih man hi. Topa Zeisu ngiat in zong hibangin na gen hi, “Keima hanga inn leh lo, nulehpa, Ulehnau leh ama hihna khempeuh nusia a kei hong zuite in hih leitungah a nuntaklai ngiat un ka thupha azah za tampi in sang ding uh a, asih khit ciangun zong keimah tawh Vangtunggam luah khawmlai ding uh hi” ci hi” cikik hi.

Papipa in dong leuleu hi. ” Tualeh Sya aw nang bangci danin tua banga Pasian sap tuamna ngah a, bangci bangin phawk kha na hi hiam?”

Topa ” Lawm aw hih ka laileng khau na lenpak dih ve” ciin laileng khau lensak hi. Tawmvei khit ciangin “Tun vanlam ento lecin ka laileng pen sanglen lua ahihmanin kimu thei lo hi. Ahizongin tua akimu lo ka laileng pen kei khutsungah a omlam ka tel hi. Banghang hiam cileh hih ka letna laileng khaumongin ka khutsung hong sat geihgeih hi.

Tuamah bangin Pasian in ama nasem dingin hong teltuam takciangin ut taleng ut takei leng, ki mangngilh bawl nuam ta lehang hih laileng khaumong in ka khutsung hong sat geihgeih
den bangin ka lungsim sung leh ka benghem ah Pasian hong sapna AW hong ka za den hi.” ciin dawng kik hi.

Hong “Sat geihgeih” Pasian sapna Awnem aza khate’n thudon ta hen. Mi hamphate a hi uh hi. Bang hang hiam cieh hibang mite pen Laisiangtho in “Set -apart / saptuam, teltuam vilvel misiangtho” acihte ahi uh hi. Zomi Quavadis