Indonesia ah Python gulpi khatin mikhat nomvalh ahih manin, agil ki kheikhia

Indonesia ah Python gulpi khatin mikhat nomvalh ahih manin, agil ki kheikhia

Indonesia gamsung ah pasal khat Python gul asau mahmah, Meter 7 (Pi 23) apha khatin nomvalh ahih manin, agil sungpan in ki kheikhiakik cih Daily Mail pan kiza hi. Tuapa minpen Akbar Salubiro kici minnei khat hi a, kum 25 aphakhin khat ahihi.

Abeisa Sunday ni in Indonesia, West Sulawesi aom Palm Oil huanah akhoding in akuankhia hi a, Sunday zanciangin mangcip cihi.

Alunghimawh alawm agual leh meltheih tanau te’n zongngeingai uh a, azingciang Akbar Salubiro ii huannung lamah Python gulpi golmahmah khat mu uh a, tua gulpi in nomvalh hiding cih ummawhpah uhhi.

Khuasungmi te’nzong tua Python gulpi pen manin agilpi letmat 18 asau Hunting Knife kici tempi khattawh akhei uhciangin asungah Akba Salubiro ii luanghawm nuntakna abeisa in mutakpi uhhi.

Avengte Satriawan kici khatin agenna ah Akba Salubiro pen Sunday ni in ahuansung ah kamulai cihi. Amahpen Palm Oil huanah akuankhia hi in, inn ah aciahkik lohciangin aveng apam tengin kizong ngeingai cihi.

Akba Salubiro ii azi ahi Munu kici zong tuahun laitak in inn ah omlo sawnsawn in, alawmpa gulpi in nomvalh in, gulpi gilsungpan ki kheikhia cihpen galzak a, Local Media te tungtawn in Photo leh Video te mukha cihi.

More: Malaysia: Dailenbuk sungah gulpi khat nakivial venvan

Khuasung hausa Village Secretary Salubiro Junaidi in agenna ah Akba Salubiro amancipma azanin mikhat Palm Grove lampanin a awng, akap kiza cihi. Tualeh azing ciangin gulpi khat gilvah phitphet in kimu ahih manin, agilsung ah Akba Salubiro pen omding in ki ummawhpah hi. ZD Sawltak #zomidaily