Australia gamsung ah nupi khatin atate 7 leh atunu 1, akigawm in naupang mi 8 thaklum a, tuavai hangin akiman himahleh lungsimmanlo cihtawh thu kibawlloding ci AFP pan kiza hi.
Australia, Cairns City ah 2014 kumin thupiang hi a, athahlup naupang tepen kum 2 panin kum 14 kikal naupanghon vive ahi uhhi. Avek un temta tawh Cairns City khuasung aom a innsung ah adawtlup ahihi.
Tua nupinu minpen Raina Mersane Ina Thaiday kici a, Mersane Warria inzong kithei hi. Athahlup naupang tepen numei 4 leh pasal 4 hi uh a, thupianna aphual ah Police te’n amatkhit uhciangin mithat “Murder Case” tawh akiman ahihi.
Hihvai tawh kisai in nung Thursday ni in Queensland Mental Health Court pan thukhenmang te’n hih nupinu pen alungsim manlo “Unsound Mind” khat ahih manin thu kibawl theiloding cimawk hi.
Mi 8 athahlup laitak in hih nupinu pen lungsim natna “mental illness, paranoid schizophrenia” cihteng thuak cihi. Tua ahih manin temta tawh adawkgawp pen sephuailo ahihlamzong theilo cihi.
Tua agamtat laitak in hih nupinu in atate adingin ahoihtheipen asemin ki ngaihsun, ahubit in ki ngaihsunzaw cihi.
Queensland State Law ah mikhatin mawhna abawllaitak in alungsim manlo “Unsound Mind” cih akitheihleh thu kibawltheilo cihi.
Tua mithat nupinu pen tu’n kum 40 phakhinta a, tulaitak Security khauhtak in akicinna Mental Health Institute ah kikem in, aki khahkhiakik ngeidiam cihpen ki gentheilo cihi.
Thukhenzum Court te ii ciaptehna ah hih nupinu in atate athah laitak in a innsung ah kha nin, khagilo “Evil Spirits” om cihi. Atate athahma nitaklam in lampi tungah phunphun cihi.
Related: Australia sumtuh honkhat Melbourne khuasung ah kizel
“Keipen teeltuam mi hing. Mite thahtheihna leh hamsiat theihna Power nei hi’ng” ci’n phunphun kici hi. ZD Sawltak #zomidaily
Comment piaknop aomleh...