South Korea ah Sangsiama khatin sangnaupang pasalno khat buan ci’n thu kibawl

South Korea ah Sangsiama khatin sangnaupang pasalno khat buan ci’n thu kibawl

South Korea gamsung ah Sangsiama (Teacher) asem numei khatin asangnaupang pasal khat mawhpih ahih manin, mibuan “Rape Case” tawh thu kibawl cih Korea Herald pan kiza hi.

Tua sangsiama pen kum 32 aphakhin khat hi a, Gyeongnam Provincial sung aom Elementary School ah Teacher asem ahihi. Elementary School ahih mahbang in a sangnaupang tepen kum 12 gualgual bek hipan hi.

Hih sangsiama nu’n a sangnaupang te lakah pasalno kum 12 aphapan khat na mawhpihmawk ahih manin, kumcingnailo Underage Rape & Molestation Case tawh thu kibawl hi ci’n Tuesday ni in Gyeongnam Provincial Police Agency te’n pulakkhia uhhi.

Kum 12 aphapan sangnaupangpa ii anu apa te’n atapazat Mobile Phone sungah a etsak uhciang in atapa sangsiama nu ii aguaktangphial dekdek photo pawlkhat mukha uhhi. Tuapan in atapa leh asangsiama nu ii agamtatna te theikhia uh a, sangnaupangpa ii anu apa te’n Police Report abawl uh kici hi.

Gyeongnam Provincial Police te’n tua sangsiama nupen mankhiapah uh a, thusitna nei uhhi. Siama nu genkhiatna ah sangnaupangpa tawh langnih ki thukim in “Consensual Sex” kazat uhhi ci’n genkhia a, khatlekhat kaki lungkim uh, kaki deih uh ahihi ci’n genkhia hi.

Ahi zongin naupang kumcingnailo khat ahih banah asangnaupang khat hisawnsawn ahih manin, sangsiama nu gamtatna pen dik kisa hetlo hi. Tuabek thamlo Korea gamsung ah kum 13 nuaisiah tawh omkhop pen thukham “Law” palsat hi a, thong khiattheih ahihi.

Gyeongnam Police te’n sangsiama nu ii azat Mobile Phone te hoihtak sitphalaiding uh a, bangteng Record omhiam cih kancian laiding cihi.

Gyeonggi Provincial Office of Education pan inzong hih sangsiama nupen sangsiama ahihna panin hemkhiapah uh a, kumpi thunei te’n athu hoihtak kancianlaiding uh cih kiza hi.

Related: Sangnaupang numei kum 16 aphakhin khat amahleh amah ki khailum

US gamsung ahzong hihbangdan tawh akizawitawn dekdek, sangnaupang leh sangsia te kikal buaina thunawngkai nengneng kizathei zelzel hi. Nulepa te’nzong tate gamtatzia, avanzat Mobile Phone cihte ahunhun in velsak zelzel, etsak zelzel kulleh kilawm hi. Aki lawmlo, zakdahhuai, zummawhthu te dik asalo, ahua vilvel aom khakleh sorry mahmah ei. (Tuate’n Laisiangtho nasimzaw un maw) Sawltak #zomidaily