Sangsia khatin sangnaupang numeino khat buan, kum 24 thongkiading

Sangsia khatin sangnaupang numeino khat buan, kum 24 thongkiading

Malaysia gamsung ah sangsia khatin asangnaupang numeino khat zawhthawhthu tawh buan “Rape” ahih manin thong kum 24 ki kiasakding a, tuaban ah atawzong ciingciangduai tawh 12 vei kisatding cih theSun in genkhia hi.

Tua sangsiapa minpen Mohd Ezlie Azram Mohammad Khasasi kici a, kum 38 aphakhin khat ahihi. Tuni in Selayang Sessions Court ah thusitna kinei a, a sangnaupang numeino pen nihveitak nabuanmawk cih kiciantak in thukhente’n mukhia uh ahih manin kum 24 leh tawsat 12 vei daan atuak ahihi.

Thukhunmang Judge Tasnim Abu Bakar in daan apiakdanpen khatvei abuan manin kum 12 leh tawsat 6 veita hi a, nihvei buan ahih manin thong kum 24 leh tawsat 12 vei athuaksak ahihi.

Sangsiapa in numeino abuan masak pen 2011 kum hi a, tualaitak in sangnaupang numeino pen kum11 bek hipan hi. Tuakhitzawh ciangin 2013 kumin khatvei buankik leuleu a, tuahun ciangin numeino pen kum 13 hitota hi. Anihvei in abuanna amun kibang ci a, Selayang vengsung aom innkhat sungah kici hi.

Sangsiapa pen azi tawh akikhen khat hi a, ta 2 neikhinsa khat ahihi. Section 376(1) of the Penal Code thukhun tawh kizui in thusitna athuak ahihi.

More: Malaysia ah papi khatin atanu lupna tungah buan gawp

Hih sangsiapa ii laihilh pen “Physical Education” ci a, Phisical Exercise natamluakha hileh kilawm hi. ZD Sawltak #zomidaily

Thuthak tuamtuam natheihnop leh Zomi Daily Page facebook.com/ZomiDaily ah Like napia inla, Follow namek khitciang “See First” acihpen namek ve lawm…..