Sihkohna: Capt. Kai Khen Thang (Phaipi beh, Laaitui) in hongnusia
Asleep in Jesus: Capt. Kai Khen Thang(Retired)C.Th., B.Th., M.Div.), Kum(57), Phaipi Beh, Laaitui
Laaitui khua a teng Phaipi beh Pu Pum Khaw Gin leh Pi Dim Za Cin te tapa tumpen hi a, 4.1.1961 kum in suak hi. Kumpi sangah tan 8 dong kah hi. 1980 kum in galkap tum in gam a dingin nasem a, citak kuhkal in gal hang mahmah hi. 1989 kum in Officer Training kah a, Captain dong hong ngah hi. Galmai samai ah hangsan a hih manin pahtawina tampi tak ngah hi.
2016 kum in Galkap sung pan a khawlkhit ciangin Naypyidaw Construction Deparment ah Huandok za tawh kumpi na sem hi. Tua panin Pasian sapna ngah a hih manin Tedim Christian College, Vision Bible Institute(Faith Bible Training Center) te-ah Pasian thu sin in C.Th, B.Th, M.Div te a zo hi.
1985 kum in Nu Awi Ngaih Cing (Gualnam) tawh kiteng a, tapa 2 leh tanu 3 nei hi. Khua leh tui u leh nau khual in a it mahmah hi a, minam vai leh biakna vai ah zong a hat mahmah khat a hihi. Mingalardone Zomi Baptist Church ah zong kum tampi makai sem a, Yangon Full Gospel Assembly ah zong upa khat a hihi.
Bo Khen in a pum tungah galte kapna thautang them paii a, tua tawh ki zomin dam lohna tuamtuam tawh 27.6.2018(Wed) 10:00AM in Mingalardone galkap zato pi pan hong nusia hi. Bo Khen tawh hun tawpna pen 29.6.2018(Friday) 3:00PM in Yewai Christian Cemetery ah hun ki bawl khit ciangin han kitang sak ding hi.
More: Taingen leh Hiangzing kikal ah mawtaw kibung, mi 5 si
A zii leh a tate omna 315/316, Padamya Street, 2/1 Htaukkyint New Ward, Mingalardone Tsp. pan 1:30PM in mawtaw 1, Insein Paakhuan pan mawtaw 1, Full Gospel Biakinn pan mawtaw 1, Sule Emmanuel biak inn mai pan 1, Yuzana Padauk lampi pan mawtaw khat ding khia ding hi.
Zomi te-in i suan i muan ding makai khat i sum hi ci-in dahna thu kong taangko hi. Kham Suumpi
Comment piaknop aomleh...