Malaysia aom Mindat innkuankhat sungpan mi 4 kivui khawmding

Malaysia aom Mindat innkuankhat sungpan mi 4 kivui khawmding

Malaysia, Pandah Indah vengsung ah abeisa February 12 ni in Kawlgammi nupi khatleh naupang 2, akigawm in mi 3 ki thatlum cih kiza hi. Tua mi 3 te aki thahlupna ngei ah apa uhzong khua phawklo, asidek in kimu ci’n Ampang Police te’n genkhia uhhi.

Tua Kawlgammi akiciziau tepen athu aki theihcian ciangin midang nahi hetlo uh a, ih sanggam Mindat tepeuh nahimawk uhhi. Myanmar Times te thuthang suahsakna leh sigal in a innzang ah avapha te tungtawn in akizakna ah apa uhpen lungkhamna tamlua leh zu dawntheizel kici hi. Depression tamlua in, alungsim zong cidam nawntaklo hileh kilawm hi.

Tualeh February 12 ni, nitaklam 11pm khitpawl in apa un innsungteng kalhcip in azi leh naupang nihte na thatlum hituak mawk hi. Naupang nihte lakah khatpen ata hi a, adang khatpen atu ahihi. Azi leh naupang nihte athahlup khitciangin amahzong ki thahlupsawm hiding in ki ummawh a, tualaitak in Ampang Police te’n innkongkhak satkhia in innsung ah lut uhhi.

Ahi zongin apa un guza dawn hiding in ki ummawh a, azi leh naupang te luanghawm gei ah khua phawknawnlo in nalumcip hi. Palik te’n Ampang Hospital ah puaksak uh himahleh February 14 ni in Poisoning ci’n guza anekna tawh zato pan si cih kiza hi.

Tulaitak in hih Mindat innkuan sung panin misi luang 4 tak hi a, vai nawngkai aomkei leh Monday niciang in Rawang hanmual ah kivuiding cih Sia Raymond tungpan kiza hi. Asi luang 4 tepen:

• Apa: John Thang Maung, kum 46
• Anu: Catherine Shing Cha, kum 47
• Atanu: Felicity Maung Awi, kum 10
• Atupa: Louise Khui Shing Kee, kum 2

Hihte innkuan pen 2011 kumin USA alenglianding uh hita a, ahi zongin atanu in pasal nei ahih manin alending uh kipelhto hi.

More: Malaysia, Pandan Indah vengah Myanmar nupi khatleh naupang 2 kithatlum

Tuahun akipan lentheihkik hunding ngakin aomcip uh ahihi. Tunidong gamthumna lengtheilo himahleh tu’n gamlina lamah hong lengsanta uh himawk hi. Zomi Daily #zomidaily Thuthak tuamtuam natheihnop leh Zomi Daily Page facebook.com/ZomiDaily ah Like napia inla, Follow namek khitciang “See First” acihpen namek ve lawm…..