Agawl ah sabak thalh ahih manin alawmnu in agawl atsak in anunna hon
New Zealand gamsung ah pasal khatin an aneklaitak in agawl ah sa awksak in thalhgawp hi. Tuapa pen asiding dinmun hita ahih manin, bangcihding cih kithei nawnlo hi. Tuaciang in alawmnu inzong temta khattawh agawl atkhiatsak in, tuatawh anuntakna honkhiathei bilbel cih kiza hi.
Pasalpa ii alawmnu, agawl temtawh a atsaknu pen mimawkmawkbel hisamlo a, nausuak siama Midwife khat ahihi.
Tua Midwife nu ii aminpen Sarah Glass kici a, kum 45 aphakhin khat ahihi. Alawmpa pen Isak Bester kici a, kum 50 aphakhin khat ahihi.
New Zealand gamsung North Island khat aom Waimarama Beach kici tuipi piaunawl khatah Barbecue saphelh emin anek laitak un, pasalpa pen agawl ah sabakkhat awksak, thalhsak citciat hi.
Tuaciangin alawmte’n anungzang beksak uh a, ahoihtuam lohciangin a awm panin nensuk “Chest Compression” bawlsak cihbangin ahihtheih bangbang un “Heimlich maneuver” bawlsak uhhi.
Tuaciang in pasalpa pen khua hoihtak phawknawnlo, alungtang kisaizia zong angei bangnawnlo in acikhawng dupin asisuakding dinmun tungta hi. Tuaciangin alawmnu inzong temta hongla un ci’n tua temta tawh agawl “Throat” atsak in agawl ahuihdikna Windpipe pen honsak dingin kipan hi.
Video: The woman who saved her boyfriend’s life by cutting open his throat while he was choking
Tua Midwife nu in nausuah ciangin azatzel “Home Birth Kit” vanzat pawlkhat kemkha bilbel in, tuasung ah Oxygen Tank tawh tua pasalpa pen huih piathei uh cihi.
Tuabang tengtawh Emergency Services tezong tungman bilbel in, Hospital khatah kipuaksuak theipah hi. Zato ah ni 3 sungbang khuaphawklo in kikem himahleh, kalkhatbang aombeh khitciangin damsiang in hoihkikta hi.
More: Nupi khatin atanu agawlpan ameklup khitciangin amahzong kikhailum
Hih thupiangpen nungkhasung in apiang hi a, tu’n tuapa pen damsiang kikta hi. Na it na ngaih mahmahkhat, an nekhial in, thalhgawp in aci mualgawp, asiding dinmun hileh bang nacihmawk tam? Hih numeinu pen Midwife ahih manin bangci bangin agawl koisan ah atding cih atheihman hi a, bangmah Medical thu sinlopi in gawl atsakding bel hilo hi. Sawltak #zomidaily
Comment piaknop aomleh...