Accident atuahsia khat alukham dingin ama’ khe akitankhia pen kizangsak

Accident atuahsia khat alukham dingin ama’ khe akitankhia pen kizangsak

India gamsung aom zato khatah Motor Accident in atuahsia, cina khat akhe aki tankhiatsak khitciangin tua akhe aki tankhiapen tuapa ii lukham dingin kizangsak cimawk hi. Tuabang in khe kitankhia khat lukham in akizang Photo pen Social Media ahzong ki khahkhia in, lamdang kisa mahmah hi. Tuavai tawh Doctors 2 zong nasep ki dinkhawlsak cih AFP pan kiza hi.

Hih thupiang pen India, Uttar Pradesh State sung aom kumpi zato “Government-run Hospital” khatah thupiang ahihi.

Tua cinapa pen Stretcher tungah kilumsak in, alukham dingin amakhe aki tankhiatsak pen kizangsak cimawk hi.

Maharani Laxmibai Medical College and Hospital panin Principal asemlaitak ahi Sadhna Kaushik in agenkhiatna ah hihvai tawh kisai in athu hoihtak akankhiading in Committee zong kiphuankhin hi ci’n AFP te tungah genkhia hi.

Hihvai pen Hospital sungah nasem Staff te ii mawhna cih aki muhkhiat peuhmahleh khauhtak in thu kibawlding hi. Tuavai tawh akisawhkha Doctor 2 zong tulaitak nasep ki khawlsakphot hi ci’n genkhia hi.

Photo akikhahkhia aliamgawp pasal pen Ghanshyam kici a, kum 29 aphakhin khat kici hi. Amahpen Bus Accident tuak ahih manin, nakliam mahmah hi.

Cinapa ii ameltheih te’n NDTV News Network ah agenkhiatna ah Hospital Staff te kiangah khukham hongvaihawmsak un ci’n ka ngetsak uhhi. Ahi zongin zato katun uhciangin Ghanshyam pen lukham taktak kipialo in, alu nuai ah lukhamding in amakhe akitankhia pen kikhamsak hi.

Doctor te kiangah banghanghiam cih dongding in kakithawi hangin hongthudonlo hi. Anunung ah koleh ko in Local Market panin lukham “Pillow” leitawm in kalaihsak uhhi ci’n genkhia hi.

Zato lampanin thuneite genkhiatna ahbel tua cina pen amanlang in zatui kibawl sakpah hi. Doctor te’n alu sangsakto un ci’n gen ahih manin, ameltheih te khatin tua atuahsiapa ii akhe akitankhia pen cinapa ii alunuai ah lukham in akoihsak hi ci’n Press Trust of India te tungah genkhia hi.

India gamsung ah adiakdiak in kumpi zato “Government-run Hospital” tepen vanzatding Equipment akicing in neivetlo uhhi. Cina pen Millions tampitak omden himahleh siavuan leh Specialist cihtepen tawmcikbek om ahih manin, kicingzo mahmahlo hi.

More: Mandalay Region sungah lampitung tuahsiatna Road Accident tam mahmahlai

Uttar Pradesh State zongpen India gamsung ah azawngpenpen State te lakah akihel hi a, mi 200 Million bang omding kici hi. Zato ah akilak cina tepen ahunlap in kibawl pahpahlo a, tawlpi khatkhat angakkhit uhciangin kibawlsakpan kici hi. Doctor te zatsak ahi zongin, ameltheih te zatsak ahi zongin, khekitan khatbel lukham in zatsakliang…… Sawltak #zomidaily