Russia, Moscow ah Shopping Center khat meikang in mi 3000 val kihemkhia

Russia, Moscow ah Shopping Center khat meikang in mi 3000 val kihemkhia

Russia, Moscow khuapisung aom Shopping Center khat zanni Sunday (October 08) ni in meikanggawp ahih manin tuasung aom mi 3000 valbang patau in kihemkhia ngeingai cih AFP pan kiza hi.

Russia’s Emergency Services Ministry te genna ah tua Shopping Center pen innlamna van tuamtuam “Building Materials” aki zuakdiakna hi a, Commercial Center pen 55,000 Square Meter azai sungkhat ah mei akuanggawp cihi.

AFP Journalist khatin agenkhiatna ah meikhu pen sahmahmah in vandawn ah khuto nainai hi. Inn atungkhuh tezong pawlkhat kicimsuk in meikuang pen khauhmahmah hi ci’n genkhia hi.

Akigawm in mi 3000 bang hih Building panin ki hemkhiasak a, aliamzong honkhat omding hi ci’n Russia’s Emergency Services te’n genkhia uhhi.

Related: Malaysia, Sabah ah pasal khat hangin inn 60 val meikang ahih manin kiman

Meiphelhding in Fire Engine bekbekzong 170 bangin delhpah ngeingai uh a, Firefighter zong mi 290 bang meiphelh in kihel uhhi. Meiphelh ahuhding in Helicopter 3 zong aphual ah ki lengsakpah cih kiza hi. Sawltak #zomidaily