Kimpu leh Kimpi – 20
SMS: “Good morning u Kimpu”
SMS: “M’ning Nuamno. CU in 40 mins”
“Heih, tuni hong kilawm si cia Nuam”
“Sangnaupang Kikhopna makai ding buang ci a”
“Aimah ve”
“Thugen dingte hong tung uh maw?”
“Hong tung mah uh ei u Kimpu. Nungkal i kimuh tawp a zingciang hong tung uh a, Siamsin Makaite tawh va dawn ung… nang zong kong lamet pian hiven..”
“Aw, tua ni maw, kei lawmte tawh lui ah ngasa beng e…sangkah tawp ciang…”
“Ba, hong zawnlo!”
“Nang manlah ding um e”
“Hikei, nong phawkloh man hi. Kua tawh na?”
“Ka lawmte tawh hi”
“Numei zong kihel maw??”
“……………… ”
“Maw?”
“…………..”
“Mawwwwwwww……..??????”
“Den ciang hong gen ning”
“Huh!”
“Nuamno, tuni hunzeekna koi banga? A laidal na tawi hia??”
“Huh!! Hong gen kei ning. Ken theilo”
“Bang hangin maw…. heh kei ve….. heh namaw?”
“Heh mah kei dia, nang kong dotna hong dawnglo hive cin”
[Tua laitak SMS khat Kimpu ading hong lut lian, a hon leh ‘From Kimpi’ cih mu lian aihcianga Nuamno a muk tuk semsem…Kimpi in zong en ngamlo, simloh a koih kik..]
“En o, na lawmnu in hong SMS veleh, nong gennoploh pen hi maw. Kei va ciah ning u Kimpu. Tuni ka om nop mel kei”
“Mawkmawk ciai Nuamno, tun hun kipan ding hita a, nang ciah mawk lecin vai piang ding maw”
“Ka om nuamlo ahih cianga…”
“Nuamno, ko pasal teng leh Kimpi tawh hi ung. Tua ni Kimpi pano zong hong zin a, amah in hong tonpih hi. Khasiatna in na nei ken maw”
“Huh, nangpa mahmah, zawl nei kawikawi. Khat tawh lah hi, khatdang zong lunggulh zel — PAL-AM…..”
“Sorry, Nuamno, hong maisak in maw, tu bang tuaci nawn kei ning”
“Takpi maw. Na tuacih kik leh hong maisak nawnlo ding. Kingai nawnlo ding hi hang aw”
“Sorry, sorry…. I hun kipanta ding hi hang. Thupulakna neita ding ci ei…”
“Awle, panpah ning aw.. u Kimpu?”
“Awle pan pah o, Nuamno, ka ngaihno!”
“Huh… sese… okay, okay….”
ANNOUNCEMENT:
HALO HALO… Na Ngai Un…
Tuni Sangnaupang Kikhopna hong sim khempeuh, koh, hunzeek dinga hong kiseh –“kei, Lia Nuamno” leh; — “kei, Taang Kimpu” in na khut taklam uh lenin kong muak uh hi. Tuni thugen dinga i lamet i Sia te zong hong tung kim ciat uh ahih manin nakpi in lungdam hang. Amaute muakna in khutbeng ziahziah ni. Amaute min leh hong paina khua uh hih bang hi.
1. Prof. Siama, Lamka pan
2. Prof. Geoarge Kham, New York pan
3. Prof. U Go, Kawlpyi pan
Amaute tangthu tom a gen dingin den ciang Siamsin Laiatpi Tg. Bia i cial ding hi. Tu in Amasa penin ah – Vaidawnna thugen nei dingin Siamsin Makaipipa Tg. Cincin i sam masa ding hi. Ama khit ciang Siamsin Laiatpi in hong zomsuak pah hen. Khutbetna tawh muak ni… Come on….
(zop lai ding)
Hau Za Cin
Phuitong Liim
Comment piaknop aomleh...