Najib ii omna tawh akizomkha mun 5 takah Police Search kibawl

Najib ii omna tawh akizomkha mun 5 takah Police Search kibawl

Abeisa in Malaysia gamsung ah Prime Minister asemlui Najib Tun Razak tawh kizopna anei mun 5 takah zannitak lamin Police te’n zonna nei uh cih theStar pan kiza hi. Tuabangin thukanna, zonna akineihna mun 5 tepen Taman Duta aom Najib ii omna inn, Sri Perdana, Pavillion KL aom munnih leh Prime Minister’s Office kici hi.

Hihvai tawh kisai in Bukit Aman Commercial Crime Investigations Department director Comm Datuk Seri Amar Singh inzong genkhiatna neikhia a, Najib tawh kizopna anei Location mun 5 ah Police Search kibawlmah hi ci’n genkhia hi.

Banghangin tuabangin Najib tawh kizopna munte ah Police Search kibawlhiam cihpen ahang genkhia nuamlo a, ahi zongin tua mun 5 te ah Police te omkawikawi cihbel pulakkhia hi.

Ngawhtheih nading paulap “Evidence” akizong hi cihciangbek genkhia in, athu akician in avekin bangmah genkhia nuamnailo hi.

Hih thuthang akizak ciangin zannitak 10:15pm hunpawl akipan Reporters te’n Jalan Duta aom Najib Residence ah delhpah ngeingai in, Media te thutheinuam in kigual zihziah uhhi. Police te’nzong mipi te innhuang sungah aluttheihloh nadingin Police Tape khungpah uh a, dai kaipah uhhi.

Video: Documents believed to be linked to an ongoing probe were seized from former Prime Minister Datuk Seri Najib Tun Razak’s apartment at Pavilion Residences in Kuala Lumpur

Avaiteng asiankhit ciangin Thurday (May 17) zingsanglam 4am hun in Najib ii lawyer Datuk Harpal Singh Grewal in Media te tungah genkhiatna neikhia hi. Ama genkhiatna ah Taman Duta aom Najib’s Residene ah Police Search kibawl in, ami akiman kuamah omlo hi.

Documents zong aki laksak bangmah omlo a, ahi zongin Najib te ii mimal vanneihsa “Personal Possessions” pawlkhat leh Bag pawlkhat ki puakhia hi. Akigawm in Police te’n van apuakkhiatsak uhpen Box 2 pan Box 3 bang puakhiading uhhi ci’n Najib’s Residence apualam aom Gate ah genkhia hi.

Najib ii innpi pen golmahmah ahih manin, Police te’n inndei khatta in zongciatciat uh ahih manin ahun sawtpi aziakai hi. Tuciangciang akiman kuamah omlo a, kiman nadingzong athu akigen omlo hi ci’n genbeh hi.

More: Malaysia gamsung ah Passport leh Seal atuh abawl Myanmar gammi 3 kiman

Hih Najib ii omnateng Police Search akibawlna pen thunei te’n apulakkhiat lohhangin sumvai “Money Laundering Act” vaimah hidingin ki ummawhpen hi. Najib ii abeisa gamtatna 1MDB vaipen tulaitak hoihtak in aki kanciansan laitak hi a, tua Result tungtawn in Najib pen thong akiatleh akiatlohding ki khentatding hi ci’n Dr. Mahathir in genkhia hi. Sawltak #zomidaily