Russia in Syria ah agaldo akipan tunglampan 71,000 vei kap, Terrorist 35,000 golumta

Russia in Syria ah agaldo akipan tunglampan 71,000 vei kap, Terrorist 35,000 golumta

Dec. 22, 2016: Russian Foreign Minister Sergei Lavrov in zan in Syria ah gam tuamtuam 80 panin dipkuatna piangsak mi ngongtat (terrorist) tul sawm tampi om hi ci hi. Russian Defense Minister Sergei Shoigu in Russia in Sept. 30, 2015 panin Syria kikap a, tua khit nung Russian Aerospace Forces terrorist-te tung lam panin 18,800 vei kuan khia in mun 71,000 kap in, terrorist training camps 725 a kap siatsak in, terrorist ten a bomb bawlna uh mun 405 kap siatsak in, terrorist-te galvan 1,500 a kap siatsak banah terrorist 35,000 golum ta hi ci-in pulak hi.

Shoigu in Syria ah gamnuaimi (militants) 9,000 in a thaute uh koih khia ta uh hi ci hi. Shoigu in Russia in Syria ah a galdona hangin Syria leh a kiim leh terrorist a kizel gawpna ding dal a, kilaihgawpna sikkhainiang melpuakna “chain of color revolutions” kici Middle East leh Africa a om ding dal hi ci hi.

Tua banah Russia in Syria ah a galdona hangin buaina tuamtuam – leitung ah gamvai buaina ding geopolitical problems kici dal tuam a, international terrorist organizations in Syria ah nakpi takin thuak lawh zo in, Syria kiim ah leitung bup ngongtatna a kizel mang gawp ding dal in, mi ngongtatte sum muhna nak nakpi takin a dal banah Syria kumpi a tuk ding lai dal in humbit zo hi ci-in gen beh hi.

More: India Imphal sungah mipi buaina piangin mawtaw 22 meikang

Russian defense minister Shoigu in Syria buaina gamvai ah kipuahphatna leh kilemna ding vai leh a kidote a kilem kik theihna dingin “process of political settlement and reconciliation of warring parties” kici kipan ta a, tua ding vai-ah teenna ding (settlements) 1074 kibawlsak ta a, Syria milip million thum ten kikaptuah khawlna dingin “ceasefire” Syria kumpi tawh nei thei ta uh a, galtai mi 108,000 Syria hong ciah kik ta in, gamnuaimi 9,000 in a thaute uh koih khia ta uh hi ci hi. Source: Sputniknews/ Thang Khan Lian