UK ah thukham palsat upa penpa kum 13 thongkiading in kisehsak

UK ah thukham palsat upa penpa kum 13 thongkiading in kisehsak

Dec. 21, 2016 : UK gamah British gammi thukham palsatte lak panin a upa pen Ralph Clark zanhal in Brimingham Crown Court in kum 13 thong kia dingin daan pia hi. Ralph Clark pen naupang kum cing lo mi buan (paedophile) mi hi a, 1970s leh 1980s kum bul pawl in unau thum – numeino nih tampi vei buan in, a pasalno pen buan sawm ahih manin a tungah “historical sexcrimes” kici ngawhna leh ciamtehna tampi nei hi.

Ralph Clarke pen truck hawl ngei hi a, tua unau numeino nihte 1970s leh 1980s bul pawlin bawlsia in buan in, a sanggampa uh zong na bawlsia in, na buan sawm ngei mah hi’ng ci-in kipulak khia hi. Birmingham Crown Court in ngawhna (charges) a tungah ngawh ahih manin kum 13 sung gilbeem baang zut dingin a sehsak ahi hi.

Police ten Clarke pen British legal history adingin thukham palsalte lakah a upa pen hi a, a thukham palsatna nasia lua ahih manin a ham mahmah hangin a thukham palsat mah bangin daan a tuak loh phamawh hi ci uh hi.

Clarke in tua numeite kum li leh kum 13 a phak lai-un na bawlsia (abused) in a teenna inn Birmingham, central England-a huan sungah na buan (raped) a, a saggampa uh tam veipi thakhat thu a huham tak-a sual/thakhat thu a bawlsia (assaulted) mun mahmah in, na buan sawm ngei hi.

More: Germany Christmas Market khat mawtawpi in phulphei, mi 12 si, 48 liam

Clark in hih banga thatang hat thu tawh a bawlsiat leh ten nung kum August in Clark in a suahni kum 100 pawi a kham lai-in Clark’ Facebook posts ah police ten mu uh ahih manin hih thu hong kithei khia pan hi. Source: The News Journal Search and Independent/ Thang Khan Lian