Russia in Multi-Role Jet Fighter MiG-35 zatsawmta
Feb. 2, 2017: Russia in The MiG-35 multirole jet fighter pen galdona mun madawk nawk galvanleng (light frontline fighters) a zat ding zat sawm ta a, Russiate galvanlengte tawh a zat khawm dingin kimuak ta hi ci-in Russian Airspace Forces deputy commander lui Col. Gen. Nikolai Antoshkin in RIA newste kiangah ci hi. Kremlin press service in zong President Vladimir Putin hih vanleng leng a lahna “demonstration flight of the top-of-the-line fighter ” kici zan in Military-Industrial Commission in a venleng zatte tawh a lahna hun ah va kihel hi.
“MiG-35 pen gal madawkna munte ah namtuamtuam a kizang thei multirole fighter hi a, khangthak hun adingin galdona mun zawhna ding a laih thei (real game-changer) vanleng ahih manin Russian Commander-in-Chief (Putin) in zong a hoihna tel ding hi,” ci-in Nicolai Antoshkin in ci hi.
MiG-35 vanleng pen a tactical (galdo theih zia) leh a van tuamtuamte (technical characterizes) hoih in tuam pian diak se ahih manin a deih leh a lei nuam tam mahmah ding hi ci hi. MiG vanleng pen lightweight nam hi a, Su-27, Su-30, Su-34 leh Su-35 fighters vanglengte tawh teh in zangzaw ahih manin gal madawkna mun nawkna dingin kizen mahmah a, kei mahmah in ka hawl nuam ngiat hi ci-in gen beh hi.
MiG-35 pen multipurpose generation 4++ fighter nam hi a, a original MiG-29 fighter panin a kipuahpha ahi hi. MiG-35 vanleng .
pen 30-mm cannon kici thaupi tawh kithuah a, thautang rounds 1,5000 pua in, vak a gihna 7,000 kgs. pua zo hi. Tua loin huih lak panin lei kapna ding air-to-surface missiles leh huih lak panin huih lak kapna ding air-to-air missiles tawh kithuah hi. MiG-35 hatna pen nai kal khatin maximum speed 2,700 kilometers hi a, effective range pen 1,000 kilometers hi a, service ceiling speed pen 17,5000 meters ahi hi. MiG-35 pen Mikoyan MiG-29M pan-a kibawl ahi hi.
MiG-35 leng na muhnop leh hih a nuai-a link na mek ve
Russia in 2007 in MiG-35 multi-role fighter na bawl ta a, June 2010 in 3 bek kibawl khin pan hi ci-in pulak a, 2018 ciangin Russian Air Force ten zang ta ding hi cih geelna a neih hangin zat sawm pah uh hi cihna suak hi. Egyptian Air Force ten zong a hun khop lei dingin order ta uh hi. Russia in MiG-35 pen state arms procurement program nuai-ah a lomlom in 2019 panin kibawl khia ta ding hi ci-in President of the United Aircraft Corporation (UAC) Yury Slyusar ci a, gamdang a lei nuamte tungah lei theihna ding January 27 in presentation hun kibawl khin zo hi ci hi.
Related: Pentagon in F-35 vanleng man akhiam manin Norway in tampi leibehsawm
Russia in MiG-35 pen 2007 in Aero India 2007 air show, Bangalore ah lahna na nei khin zo hi. MiG-35 pen leitunga vanleng hoihpen pawl-a kigen Eurofighter Typhoon, F/A-18E/F Super Hornet, Dassault Rafale, JAS 39 Gripen leh F-16 Falcon vanlengte tawh kidemthei mahmah ding hi kici hi. India in zong Indian Light Combat Aircraft (LAC) vanlengte laihna dingin lei sawm hi. Source: Sputnik/ Thang Khan Lian
Comment piaknop aomleh...