Russia avallua agamtatding lauthawng in NATO in Ukraine ah Missile Defense abawlsawm khawlsan

Russia avallua agamtatding lauthawng in NATO in Ukraine ah Missile Defense abawlsawm khawlsan

Feb. 2, 2017: North Atlantic Treaty Organization (NATO) leh Ukraine in Ukraine gamah missile defense bawl ding kihona a neih hangun Russia a val lua-in a gamtat khakna ding (overreaction) lauthawng in Russia leh US kinauna zong siasak ding hi cih ahih manin NATO in Ukraine ah missile defense a bawl ding khawlsan hi ci-in US media report in suaksak hi.

Trump in Russia tawh kitanauna bawl hoih ding hi ci-in gen mun mahmah ta ahih manin NATO diplomats (gam khat leh gam khat kikal a palai nasemte) ten Russia tawh kihona lianzaw sem neihna ding genna nei ta uh hi ci-in gen beh hi.

“Ukraine ah defense missile NATO in bawl leh Russia tawh Ukraine kinaih lua ahih manin Russia thangpai lua dinga, Russia a val lua-in gamta kha ding hi,” ci-in NATO diplomat khat in zanin The Wall Street Journal newspaperte kiangah gen hi. Diplomats pawl khat in zong WSJ newspaperte kiangah NATO-Russia kitanauna a siat beh lohna dingin gamtat zia kidophuai hi ci uh hi.

Ahih hangin NATO source khat in The Wall Street Journal newste kiangah defense missile bawl ding a kikhawlsan hangin Ukraine tawh maban ah kihona om lai dingte kikhawsan lo hi ci hi. 2014 in Russia in Ukraine sim in Crimea laksak hi ci-in NATO in a ngawh manin tua khit nung Russia leh Ukraine in kitanauna beisak hi. Crimea gammi ten mipi deihna tawh (referendum) vote khia-in Russia a belh hi a, a tamzaw pen Russia pau in pau uh hi.

More: NATO in International Terrorism maituahna dingin vanglian zolo

Ruusia leh NATO in a practical cooperation kici 2014 in a beisak hangin NATO-Russia Council (NRC) kici security buaina lamsangte leh direct cooperation tuamtuam ah bel kihona nei zel uh hi. Russia in NATO in a gim kiim uh-ah NATO in galkap leh galvan nasia takin lam kik hi ci-in ngawhmun mahmah ta hi. Source: Sputnik/ Thang Khan Lian