R.I.P Nationwide Ceasefire Agreement (NCA)

R.I.P Nationwide Ceasefire Agreement (NCA)

Gamsung mualmi thautawi kipawlna (8) in athukim Nationwide Ceasefire Agreement pen damdamin hanmuallam amanawh toto himai hi.

Ahang in gamsung thautawi thahat pen United Wa State Army makaih athahat thautawi kipawlna (FPNCC/NA) in lah NCA lampi (Roadmap) in mailam kibelpawlna gam thukhun ding hong mualsuahpihzo lo ding cih lenkipta-in NCA nial tatak ta uha, UNFC mualmi thautawi kipawlna pawl (4)teng in lah NCA zuihsawm tuanlo uhhi.

NCA thukim pawl (8) sungah ahawlpi (driving force) KNU bek mah hi-in tua zom ah RCSS hi. RCSS lah NCA sign ahih pong hangin Kawl galkap leh TNLA tawh kinawk niloh uhhi. KNU nangawn Kawl galkap tawh tawm ong kitelkhial leh amunmun ah akuangzaizai ziau thei ding dinmun hi.

Tua ahih manin, akician thu ah FPNCC(Federal Political Negotiation and Consultative Committee) leh UNFC (United Nationalities Federal Council) in NCA lampi nusia khinta-in lampithak sialkhinta uh leh amau’dinmun kiptak letsuak sawm uh cih kimukhiata ahih manin, mualmi gamvai (ethnic politics) tuihual hong khauhkik thei ding hi.

Bob Tuangpi

Mualmite’ading sum tungah humpilim leh Aung San lim atuan leh tuanloh thupilo-aa ei-le-ei kizingvaihawmna (Self-determination/ Domestic sovereign power) ingah nang bek thupi zaw hi.