ZAM Thupuak :: 19 May 19 (Palai kitelding)
ZAM PALAI KITEL VAI DING ZASAKNA :: Zomi Association of Malaysia (ZAM) kumkhat sung nop na dahna tampite kantan a hong tonpih ih biak Pasian min ih phat masa hi. Tuabang a ih mualsuah zawh na ding tha hongpia, hong dinpih, ZAM thudotpite, Pawlpi sia te, khua makai, veng makaite leh nop leh dah hun a ZAM palaite hong theihbat khakloh Zomi dongtuakte a dinga mapang in thu hong zasak, gim leh tawl hong thuakpih Zomipih khempeuh tungah genzawhloh lung damna ZAM zumpan kong pulaak uh hi. Topan nasep na munciat pan Zomite adingin hong zangh semsem ta hen. Amen.
Hong tung ding 13 June 2019 (Thursday) ni ciang ZAM Kum 14 cinna pawi leh Palai thak kiteelna vai ding May 06, 2018 (Monday) ni-in ZAM advisor meeting tawh kizui in kong tangko uhhi. Zomi ading ihpilna, siamna sitlo a mapang khawm dingin ZAM Election Committee pan kong zawn uhhi.
ZAM zumpi pan in Malaysia Zomite a ding itna, cihtak na, deihsakna, hanciamna lianpi tawh a kipiakhia nuam palai tampi nong candidate nangun ZAM thupuak pan kong tangko uhhi. Hih ZAM kumcin leh Palai kiteelna ah Pawl pisia leh pawlpi upate, Khua makai, sangsiate, leh minam vei a nasem khempeuh nong kihel hamtang nang ding un zahtakna lianpi tawhkong zawn uhhi. ZAM Candidate form pen ZAM zum ah kila thei ding hi.
ZAM Palai Siau nuamte Theih Ding
1. Zomi kipawlna ZAM Card leh UNHCR Card nei mi hi ding.
2. Khua kipawlna leh Pawlpi kician KHATBEK lutna nei mi hiding
3. Mangpau/Malay hoihtak apauthei, agelh thei hi ding.
4. Akilawh thei natnanei mi hilo ding Gentehna: TB, Hepatitis B or C leh HIV cihte…
5. Minam veina leh deihsakna nei a, ZAM thukhun leh dante’ azui mi hiding.
6. EC teelcing angah peuhmah hunbitin asem theipah hi ding.
7. Candidate pen Pawlpi leh Khua makaite phalna leh theihpihna bek tawh kipuak theiding (Theihding: Innkuanpih nei nailo “Single” hileh hoihpen).
8. Ki teelna hunsungah ami pumpi mahmah aom te bek kiteel theiding.
9. Ki teelna ah Pawlpi pan tangmi 1 leh Khua kipawlna pan tangmi 1 in mee pia theiding.
10. A lunglut khempeuh in na Candicate Form uh Election Committee te tung or ZAM zum ah 12 May 2019 (Sunday) pan 30 May 2019 (Thursday) sungin Pawlpi/Khua makai te letmat thuhsa in apkhin hamtang ding.
ZAM ELECTION COMMITTEE
- 1. Rev. Gin Do Khup (Convener) : 012 340 6141 10. Rev. Pau Sian Piang 016 318 5296
- 2. Rev. Thang Do Khen : 017 611 5622 11. Rev. Pau Sian Piang 016 318 5296
- 3. Rev.Thawng Khan Sut : 016 6443 011 12. Sia Hau Thang 016 282 0189
- 4. Rev. Gin Khan En : 017 334 176 13. Rev. Tuang Lian Khai 017 354 1590
- 5. Rev. Khen Za Dal : 012 263 6330 14. Rev. En Cin Pau 018 272 3720
- 6. Rev. Gin Do Khup : 012 340 6141 15. Rev. Go Za Suum 011 1151 2390
- 7. Rev. Dai Sim Mnag : 016 615 7573 16. Pastor Daniel Vum Khan Mung 018 398 3110
- 8. Pa Thang Za Khai : 012 621 2447 17. Rev. Thang Za Cin 012 661 0046
- 9. Rev. Ngin Khat Thang : 016 334 7900 18. Simon Pau Khua Muan Lal 018 238 6204
- Ani : 13 June 2019 (Thursday)
- Amun : ZAM Hall
- Ahun : 11:00AM Lunch, 12:00PM
- :1:00PM-3:00PM (Hunpi)
- Application Deadline : May 30, 2019 (Thursday)
Min a pia nuamte in
- 1. Rev. Gin Do Khup (Convener) : 012 340 6141
- 2. Sia Kap Za Khup (ZAM President) : 016 383 8014 te kiangah kipia thei ding hi. Form pen ZAM zum ah zum hun sungin kila thei ding hi.
PILVANG KAWM IN KIDAWM NI
Ih omna Malaysia gam mi te ih anntan hun (Ramadan) pen May 5, 2019 pan June 3, 2019 sung hi ding ahih manin ih omna ah pilvangtak leh kidawm takin ih om ding thupi hi. Biakna tawh kisai hun sung ahihna tawh kizui-in amau muhna ah et lawmlo dingte kidawm kawm sa in pilvang takin om ciat ni.
Malaysia om Zomipih a kuamaciat ih omna gam huih nun zia tawh kizui-in kidawm ciatni cih hong zasak pha pha ung. Kimat kihen hong tam mahmah in, amunmun ah oparasi hong lut pahpah ahihmanin vaksuk vaktoh,hawh suk hawhtohna ah kidawm ni. Ih omna veng kim veng pam ah zong kidawmsa in om ciat ni. Kiim leh pam a om mite in hong muh khialh loh dingin I om dan I khawldante kikem siam kawmsa in om ciatni. Vai thupi mahmah lobuang zong vakvak kei zaw leng hoih zaw ding hi. Grab tawh na vak leh zong na tuan ding motor hawlte hoihtak teelsiam lecin nang a ding hoih pen ding hi. A diadiakin mitamna munte ah tam vak kei leng ei ading hoih pen zaw ding hi. A zenzen in kimat kihen na khat natuak leh ZAM zum ah hong zasak pah in.
UNHCR ZUM PAN PHONE HONG KISAP CIANG
UNHCR zum pan in phone hong kisap ciangin hong sap na mun (RSD,DSU/RST/RSC/OPE, DHS..etc) dong hamtang inla, bangvai tawh hong sam cih zong dot ding mangngilh kei in. Hong hopih uh natel kei leh ken pau tello hi ing cih hoihtak gen inla nang ih tel pau mah tawh hong sap kik na ding gen hamtangin. Telmel lo pi in kiho in aman ciangin koi mun bang bang vai tawh hong kiho cih telo in lungmangin na om sangin na ma vang zaw ding hi. Pau na telloh na hangin na vai buaina omlo zaw a, telmel lopi in na om na hangin hong buai huai zaw ding hi. Phone hong kiho ciangin hoihtakin kiging kawm sa in dawngkik in. Thudot hong neihleh zong na zum vai tawh akipelh lohding hoihtak ngaihsun kawmsa-in dawn -gkik hamtangin. Kam khat ih dawn khialhna tawh supna tampi piang thei hi. Hong sapna Department ih theih kei leh zum ih pai ciangin nawnkaina tampi om zelzel hi.
Ih zum vai ciat pen midang in hong huh theih leh hong pan pih theih tampi a om mah bangin ei mahmah in ih suksiat theih zong tampi om thei zel ahih manin ei vai ei mah in ih kin ding thupi ahihi.
Kum tampi ih ngak sa khat pen minute khat minute nih kiho na in hong susiathei cih phawk kawmsa in ih dawn kik theih ding leh ih tel mello kampau tawh hong kiho leh zong ih tel sitset kampau mah hong zatna ding uh ih nget ham ei lam pan mawh puak ahi hi.
HUHNGETNA : Chin State khanglam Palewa Township sungah AA te leh Kawlgam galkapte kidona hangin mimal 1000 val bang galtai in om uhhi. Gamsungah bu in om uh ahih manin natna tuamtuam in bawmpah a, ann nek tuidawn ding leh zatui zaha ding tampitak kisam uh hi.
Hih galtai ih sanggamte a huh thei dingin Pasian in eite hong kem in thupha hong pia ahih manin lungdam ih ko a, tua tawh kizui in amaute ih itna leh ih hehpihna tawh ih kizawh zahzah panpih ciat dingin ih kizasak hi. Aci
-mawh a hamsa mite tungah ih piakna pen Pasian tung ah a pia mah ih hihi. Huhna sum a tawm atam hilo in ih ngah zahzah pen 20 May 2019 (Monday) ni-in Malaysia a om Palewa makaite khut tungah ki-ap ding hi.
Pawlpi, Khua kipawlna leh mimal mahmah in hih sang gamte panpih nuam, huh nuam ing aci te in ZAM zum ah panpihna nong piak nading uh hong zawn phapha ung.
Pasian in Zomi te thupha hong pia in midangte a huh zo ding dinmun ah hong koih ahih manin hong piak thupha te metbawl in ih huh theih ding mite huh ciat ni cih zong ih ki hanthawn hi.
Palewa galtai te ading huhna hong piasa teng
- 1. ZAM zumpan RM300
- 2. Lalta Khua Kipawlna RM100
- 3. Nu Vung Tom RM20
- 4. Pa Kham Kap (Gamngai) RM100
- 5. Zomi Innkuan Rawang RM500
- 6. Ngin Khan Lian (Mualbeem) RM100
- 7. Mualbeem Innkuan Malaysia RM100
- 8. Michael Khai (Suangpi) RM50
- 9. MZCC Pawlpi RM1,000
- 10. Gin Lo Piang (Haupi) RM30
- 11. ZCCM (St. Francis BEC Klang) RM300
- 12. Thang En Lian (Kawlzozang) RM10
WELCOME TO ZAM : Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuamtuam piakna nong neih na dingun kong zawn phapha uhhi.
ZAM ZUM KIKHAK DING : May 21-23, 2019 (Tuesday-Thursday) sung ZAM zum sung Electric mei line te kipuah nuam ahih manin zum kikhak ding hi. May 24, 2019 (Friday) ni pan a ngeina om mah bangin kihong kik ding hi.
DAHPIHNA : Tuitawh Khuami, Zahlangh Beh Pa Tuan Khan Langh leh Nu Ngul Khua Man te tapa Pau Khan Khual in a na sepna Gua Musung, Kalentan pan in May 16, 2019 ni-in hong nusia a, a zanzan in Gua Musung, Kalentan ah kidelhpah in avai teng kibuaipih hi. Ih sanggampa luang hawm pen innkuanpih te lunggulhna tawh kizui in Kawlgam ah 19 May 2019 (Sunday) ni in kipuak ding hi. Ih sanggampa hong nusiatna hangin adah akap khempeuh Topa’n a lamdangin hong hehnem tahen. ZAM/ZSM pan in zong dahpih na ih pulak khia hi.
NA UN VAI NAKAN NUAM HIAM? : Na UN vai lunghi mawh in kannop dotnop khat peuhpeuh nanei hiam? UN Department tuamtuam ah laigelhsak nopna neih leh ZAM Member te ading mangenlo in ZAM zum pan lai kigelhsak theiden hi. ZAM member ih cihpen ZAM Card bawl ngei cihbek hi loin UN card a neih khit hang in a renew/hingsak dente pen member hiden cihna hi. Refugee na kicih sam hang UN Card naneih naikei leh UN ten kami hongci tuanlo hi. Tua ahih manin Zomi nahih leh ZAM card bawl in.
ZAM ZUM AH KILEI THEI : ZAM zumpi ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlai san, Zokhi, Tanghciin, Khephiau, Zolukhu, Zothungkuah, Zodial cihte akipan naupang puan tuamtuam te deih zahzah kilei thei hi. Tua bek loin khui tuamtuam leh anuai a laibu te zong kilei thei hi.
ZATO LAM TAWH KISAI : Zato lam tawh kisaiin vai khat peuh na neih leh Contact :Sia Mungpi 018 3122 957
TUKAL SUNG ZATO LAM BUAIPIH TE
- 1. Lian Suan Thang (Thalmual) Sungai Buloh Hospital
- 2. Kham Sawm Piang (Tuizang) University Hospital PJ ah vai teng buaipih
- 3. Ning Ngaih Nem (vangteh) Lourdes Medical Center
- 4. Thang Sian Khup (Khampat) Serdang Hospital ah kiveh
- 5. Mung Ngaih Lian (Vaivet) GHKL
- 6. Mung Cin Mang (Anlangh) Klinik Kesihatan Kuala Lumpur ah kibuaipih
TUKAL SUNG THONG LAM BUAIPIH TENG
- 1. Zam Lam Pau (Tuilangh) Kajang thong pan a camp puakna mun kikanpih
- 2. Hau Lian Mang (Tongsial) Kajang thong pan a camp kipuakna mun kikanpih
- 3. Thang Kap Mang (Tuithang) UN laidal tawi Oparasi tawh kiman in Jinjang Lockup pan ni 14 ciang hong suakta kik thei.
- 4. En Sawm Pau (Paakzang) Jinjang Palik zum pan kitankhia
- 5. Hau Suan Zen (Paakzang) Jinjang Palik zum pan kitankhia
KIMAT KIHEN NA TUAK LEH : Zomi te sungah kimat kihenna na tuak zenzen leh hih phone no. ah na hopih pah in. Nang a dingin a kigingsa in om denhi. Sia Tuang Pu : 016 254 4093
NASEP LAM TAWH KISAI :Zomi nasep neilote in nasep tuamtuam om hi. A lunglut leh dot nop aneite in Sia Khuppi— 016 3838 014, 011 3563 2059
LUNGDAM KOHNA
- 1. Gin Lo Piang (Haupi) RM50
- 2. Michael Khai (Suangpi) RM50
Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hong pia tahen.
Comment piaknop aomleh...