Min leh hihna sel kei ni…. ~ Pau Khat Suan

Min leh hihna sel kei ni…. ~ Pau Khat Suan

Mi khatpeuh tawh i kimuh ciang a mithak maithak ahih leh i min gen a ei le ei ki meihset/ introduce pen Mangkangte leh mipilte’ zatzia khat hi a, pilvai bek hilo in i kimuhpih, i kihopihte thusimna zong hi gige hi.

Mimal kimu hilo a, media (WhatsApp, Viber, Messanger, email.. etc cihte) tawh i kiho ciang zong, ei le ei kua kahiam cih ki-gen masak pen message recipient ading a a-zaknop leh i message/email khakte thusimna mah ahi hi.

Hihdan zia le tong zatdan kisin a ngeina neih ding ahoih khat hi in ka um hi.

Ei le ei kua kahiam cih kitheisak nuamlo, min le mel, hihnate selcip imcip nuam kawmsa a kihopih leh thu kigen pen thupi ngaihsut theih hilo hi. I kihopih kua hi a, thu hoih maw hoihlo, bangdeihna tawh hih thu kigen cih theilo pi in thutak leh lungsim khempeuh ki gen, ki kuppih theilo hi.

Zomite kiniamkhiat i hiam, theilo i hiam, kei lellel ong theinuam khol ken cia peuh ci mawkmawk i hiam, kei zawzen ong thei mahmah lel inteh/ ong theih kei lawmlawm leh…. peuh ci a ngaihsun mawk i hiam… i min takpi gen a, ki hopih ding, ki nohset/cibai ding haksa sa khathei hihang. Kimuh loh asawt ciang meltheih luat mahmah nangawn kihaih thei lai hi.

More: Meivom in a liahcip thumanna, hangsanna le itna vangtang tawh kidim innkuan

Tua ahihman in midang tawh kihona, kizopna ah zatzia i siam ding leh i min, i hihna mah ki-gen a kizop, kiho ding thupi ngaihsut in ngeina neih lehang midang, namdangte tawh kizop kihona ah zong a etlawm zia le tong ong suak khading hi.

Tuahkhak thu tungpan a ngaihsut khak maimai peuh ciaptehna kawm a kong at khiat hi e.. Pau Khat Suan