Zomi Community Development Center (ZCDC) leitang vai zaksakna
Ih theih sa ciat mah bangin Zomibup sungpan Kyats 100,000/- piakhia zoding 3000 om hileng Kalaymyo huam sung ah ZCDC leitang Acres 10 neikhia zoding cih lunggulhna tawh kisai tu in Dowaichaung veng ah Mizo innkuan khat neihsa leitang acres 10 Kyats Tein 1500 pen Pasian muanna le Zomibup muanna tawh aki la phot hi. Kyats Tein 600 sazan piak kul ahih manin April kha ciang ah fund ngahsa Tein 350 le committee pan mi 3 in Tein 250 kisaih phot ahi hi.
A kisam lai Kyats Tein 900 + 250 pen October kha bei a piakding cih ahih manin Leitungbup Zomite pankhop ding muanna tawh thu kingen in aki hanciam mahmah laitak ahi hi.
Tua ahih manin Zomite Khang sawnsawn dong a kimang ding hih ZCDC Leitang leina ah hong kihel nailo mimal, pawlpi le kipawlna tuamtuam pan ih hihtheih zahzah in ih mapang to khop lai ding in i ki zawn phapha hi.
ZCDC Project lunggulhna lim hong khak khawm ung. Thaman lalo a ettheih ding a hong suaihsak Engineer Lucas Tuang tung zong lungdam mahmah na ih pulak hi.
Kum sim in namkhat ta hanciam toto a sepding gelkholhna ahi hi.
More: Coronavirus tawh kisai Kalaymyo kuam ading ZYA pan zaksakna
Lung hih mawhna – Leitang man kisam lai Tein 900 + 250 pen October kha bei a piakzawh kei le thukim na lai ombang in sum piaksa teng 600 zong kisum ding cih ahih manin makai lampan aki nak hanciam mahmah laitak ahi hi. Zomibup akua mapeuh in Thungetna mahmah tawh ahi zongin sumtang mahmah tawh ahi zong ma ih pankhop tohtoh ding a kizawn phapha ihi hi. ZYA HQ (Kalaymyo, June 24, 2020)
Comment piaknop aomleh...