Mihingte’ hanciam tantan lamdang kasak tam simsim hi. Tuate’ lak ah pawlkhat….
1) Zu nek/dawn
Mi pawlkhat in zukhauhte bang a dawn uh ciang nak mekpek zawzen in hanciam tak dawn tantan uh a, a valh bangciang haksa salua kisa li nena zawzen, a cil siapah buatbuat in tuisiang dawn samsam zawzen uh hi. Tamsim bang dawnlua kha leh luakhia kik in, noptuak hetlo hi. ….. Tuazah hanciam tantan selo in dawn dah lel leh baihzaw, nuam zaw lo aitam?
2) Gilo –
Gitloh cih khawng a baih hi zenzen lo hi. Athu a gilo nuamte pilzek kul a, khuak sal mahmah kul hi. Thatang suang a gilote hatzek kul a, hangsan zek zong kisam hi. Hamciam tantan mah a kul vive hizel hi…. Migi ziau leh baihzaw lo aitam?
3) Zuauthei..
Zuau genna ding in nak ngaihsut mahmah a kul ahi hi. Gensa teng kikai-awk kha leh zuaulam kilang in zumhuai ding ahih ciang, hanciam tak mah a ngaihsutsut a kul ding thu ahi hi…. Zuau kei ziau leh baih zaw ngel ding hi a….
4) Guktat/Simtat…
Limtak geelkhol, ngim khekha khol, kuama’ muhloh/theihloh ding nakpi tak hanciam a kul ding khat mah hizel hi… Guktat/Simtat sese kei leh tuazah a hanciam kullo ding, baih zaw ngel khading hiven..
5) Duhhop/Huaiham
Angsung bek ngaihsun tantan, hanciam tak a ham samsam, huai pualpual, muh thadah huai liang a hanciam tantan, lungkham liang a ngaihsun teta kisam ding hi a…. duhhop/huaiham se kei leh tuazah a hanciam, lunggim kul sese lo ding. Baih zaw ngel ding hiven.
6) –
Tu-a zah ciphot zel dihni ei.. Pau Khat Suan
Comment piaknop aomleh...