Puteek kum 90 khatin tuikia naungek khat honkhia in lamdang kisa

Puteek kum 90 khatin tuikia naungek khat honkhia in lamdang kisa

Southwest China, Sichuan Province sung aom Santai County ah puteek kum 90 aphakhin khatin tuikia naungekno khat honkhia cih thuthang pen Social Media tungah ki thehzak in, lamdang leh thupi kisa mahmah hi.

Hih thupiang pen nungkal Wednesday (March 21) nitaklam 4pm hunpawl in thupiang kici hi. Santai Country, Hejiaqiao khuasung ah ateeng naungek kum 1 leh alang (18 month-old) aphapan khatpen api tawh luidung ah setbingneu “Toddler Bicycle” tuangsak in akikem uh ahihi.

Tualaitak in tua naungek pen naupang setbing tawh lui sungah kiasuk citciat hi. Tua lui pen tui avot mahmah, votlua kisa in tuibang akhalliang “icy river” akiciliang khat ahihi.

Tua naungekno lui tuisung ah akiatsuk ciangin api inzong acihnading theilo in, patau mahmah in honghuh un ci’n huhna ngenin awngsasa hi.

Tuaphual panin Meter 100 pawlah aomkha putek kum 90 aphakhin khatin tua naungekno tuisungah kiasuk cih atheih ciangin omkhong theilo in, athaneih sunsun tawh delhpheipah hi.

Luidung pen kiakpo in, tua kiakte nalmahmah kawmkal ah puteekpa zong taiphei in, lui sungah tuaksuk vingveng hi. Tuazawh asawtlo in naungekno pen aliangah puakawmsa in ki mukik hi.

Lui apanglam pen buan nawimahmah sawnsawn ahih manin, puteekpa pen amathu tawh luinawl ah paikhiatheilo in, khuasung mite’n akaihkhiat ciangin paikhiatheipan ciliang hi.

More: Kawlgam ah tui khanggawp in cimawh dongtuak mi 100,000 val phakhinta

Tua naungekno akem piteeknu leh a innkuanpih te lungdam mahmah uh a, lungdamko dingin apai uhciangin puteekpa in “hih naungekno ka hotkhiatna hangin kasi phialzong in kiman kasa zawlai hi. Amahpen ei te ii mailam lametna ahihi” ci’n genkhia hi. Hih puteek kum 90 aphakhin ii kammal in mipi te lungsim sukha mahmah hi. Nang ee….. Sawltak #zomidaily