USA, Texas pan Pu Thual Thang (Lalta khua) in hongnusia
Mangpha Pu Thual Thang,Saunte Beh,Kum 82 :: Lalta Khuami San Antonio,Texas USA gam ateng Pu Thual Thang in February 14,2020 in lungtang damlohna tawh ongnusia cihthu izaakmanin ZIUSA kipawlna mintawh dahpihna lainatpihna ipulak hi.
Pu Thang pen Zomi te kipawl khopna San Antonio Zomi Innkuan ah member khat leh USA gamsung Zomi akuamapeuh luang kipham nading a akivaihawm ZIUSA Genvai ah onglut thukhun pom ni 07/30/2014 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.
Pu Thang tawh anunungpen hunzatkhop ding ong tungding Friday 02/ 21/2020,1:00pm in Wilson Chapel 515 Mccullough Ave,San Antonio,TX 78215 ah Zomi First Baptist Church makaih na tawh hehnep hunbawlkhop na ki nei dinga Rev.Pau Khan Khai in Pasian kammal tawh hanthotna ong neihkhit ciang leisung ah tuhna kineidinghi.
Pu Thang ong nusiatna hanga adahakap sangam tanau meltheih khuapih beh leh phung akuamakhempeuh hehnemsiampa kha siangtho in ong hehnem ciatta hen la I biak Pasian in a makiangpana ongpai khasiangtho in lungnop tawldamna ong guat kimciat nading ZIUSA kipawlna in thu kingetpih hi. Dahpihna Lianpitawh, Mun Mang (Secretary of Genvai, Zomi Innkuan USA, Inc.)
Comment piaknop aomleh...