USA, Oklahoma pan Pu Huat Khai (Pimpih, Haunung) in hongnusia

USA, Oklahoma pan Pu Huat Khai (Pimpih, Haunung) in hongnusia

Mangpha Pu Huat Khai (Kum 80) Haunung Beh – Pimpih khuami Oklahoma City aa ateng Pu Huat Khai in abeisa April 26, 2021 in awm sung damlohna tawh hongnusia chih thu izak man in ZIUSA kipawlna mintawh dahpihna i pulak hi.

Pu Huat Khai pen Zomi te kipawlkhopna Zomi Innkuan Oklahoma City ah member khat leh ZIUSA Genvai member honglut ni 7/25/2015 pan active member khat ahih manin thumeilet bylaw zuiin (100%) Death Benefit $15000 kipiakhia dinga paakkual $150 man khattawh zong mangpha khakna kinei ding hi.

Pu Huat Khai luanghawm tawh anunungpen hunzatkhop ding hong tungding Friday April 30, 2021 in (Olive Asesembly Of God) Pawlpi makaihna tawh Funeral Service bawl khit ciang, Rev. Kam Ngin in han ah vuina nei ding hi.

Pu Huat Khai hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc)