Thai gamsung ah Motor Accident in Myanmar gammi 3 meikangtum, 10 liam

Thai gamsung ah Motor Accident in Myanmar gammi 3 meikangtum, 10 liam

Thailand gamsung ah Van Motor khat Bangkok City panin Chiang Rai khuasunglam zuanin atailaitak mawtawpi khattawh kitaihkha hi. Tua Van Motor sungah atuang te lakah Myanmar gammi 3 tepen meikangtum cih The Nation pan kiza hi.

Tua Motor tepen Saturday zingsanglam in Sing Buri Province sungah akiphukha, atuahsia uh ahihi. Van Motor pen aki bupsaap “Chartered Van” hi a, asungah Myanmar gammi tampi atuangkhawm ngeingai uh kici hi.

Tua Van Motor pen Promburi District sung aom Asia Highway KM marker No 77+400 ah atai laitak in Saturday zingsanglam 2:30am hunpawl in Trailer Truck mawtaw agolpi te khattawh ki phukha hi.

Tua Van Motor sungah atuangkha Myanmar gammi numei 2 leh pasal 1 tepen amai tutna “front seats” ah atu uh hi a, atuahsiat ciangin Motor sungah awkcip in, pusuak khiatheilo uhhi. Tuatengah Motor pen meikuang ahih manin, kangtum uh a, amel asa zong akitheilo zahdongin meikatna vommema gawp ciliang hi.

Tua Van Motor sungmah ah atuang ahi Myanmar gammi 9 te leh Van Driver Ronnakorn Tonrub tezong liamtek uhhi.

Aliam te lakah mi 8 pen Sing Buri Hospital ah kipuak uh a, adang mi 2 tepen Promburi Hospital ah kipuak uhhi.

Trailer Truck Driver ahi Suwanart Chansong in agenna ah amahpen alampizuih laihding, U-turn bawlding in akithawi laitak in Van Motor pen hatsak mahmah in, ama mawtawhawl Trailer ii ataklampang nawkpheikha in akibung cihi.

Van Driver pa ii agenna ah tua mawtawpi Trailer in thakhatthu in alampizuih “Lane” khekvat ahih manin, ahunlap in ki khawlthei nawnlo in anawkkha kahi ci’n genkhia hi. Tua anawkphei ciangin Van Motor ii Passenger Door pen kihongpah a, asungah Myanmar Migrants te ihmu hithiat in atutengpen thakhatthu in lamzikpi tungah ki lawnkhia uh cihi.

More: Mandalay Region sungah lampitung tuahsiatna Road Accident tam mahmahlai

Asi mi 3 tepen Motor amaibuk ah atu uh hi a, meikuang akipat ciangin amaute pen ki honkhiathei nawnlo in mei akangtum uh cimawk hi.

Tua Myanmar Migrants tepen Bangkok panin Chiang Rai ah nasep theihna Visa tettan atusak dingin apai uh hi a, pawlkhat zong innlam aciahsawm uh cih kiza hi. Sawltak #zomidaily