USA, Nashville aom Pu Cin Khan Dal (Thalmual, Buansing) in hong nusia

USA, Nashville aom Pu Cin Khan Dal (Thalmual, Buansing) in hong nusia

DAHPIHNA LAI (CONDOLENCE LETTER) Zomi Innkuan USA, Inc.

Mangpha Pu CIn Khan Dal, Buansing Beh, Kum 69
Thalmual Khuami Nashville, TN USA ateng Pu CIn Khan Dal in abeisa December 04,2018 in sikhum sikhang dam lohna tawh ongnusia cihthu izaakmanin ZIUSA kipawlna mintawh nakpitakin kidahpih kilainatpih hi.

Pu Dal pen abeisa 2014 kumin Pasian lamhonsakna tawh USA ongtung ahihi.Pu Dal pen Nashiville khuapi bulphuh Zomite kipawlkhopna Zomi Innkuan Tennesseen ah active member kician khat leh USA gamsung Zomite sihna vaiah luang kiphamzawh nading a akivaihawm ZIUSA Genvai ah 07/31/2018 (GV04461) akipan ni (125) active member khat ahih manin thukhun zuiin (75%) Death Benefit $9000 kipiakhia dinga paakkual $150 man khattawh zong mangpha khakna kinei ding hi.

Pu Dal tawh anunungpen hunzatkhop ding pen ong tungding Friday 12/07/2018, 10:00am to 1:00pm hun-in Spring Hill Funeral Home,5110 Galatin Pike S, Nashville,TN 37216 ah Zomi Pentecostal Church (ZPC) makaihna tawh hehnep hunbawlkhopna kinei dinga Rev.Michael lian in Pasian kammal tawh hanthotna leh hehnep na ongneih dinga tuakhitciangin hanmualah vuina kineidinghi.

Pu Dal ong nusiatna hanga adahakap sangam tanau meltheih khuapih tuipih beh leh phung akuamakhempeuh I biak Pasian in a makiangpana ongpai khasiangtho in ong hehnem tek henla aluang khituite ong nulsakin lungnop tawldamna ong guat kimciat nading ZIUSA kipawlna in thu kingetpih hi.

Dahpihna Lianpitawh
ZIUSA Genvai Tanupi Contact
Pu Mun Mang
1706 8th Ave, Apt.304
Oakland CA 94606.