USA, Portland pan Pi Niang Go Cing (Bawmkhai beh) in hongnusia

USA, Portland pan Pi Niang Go Cing (Bawmkhai beh) in hongnusia

DAHPIHNA LAI (CONDOLENCE LETTER) Zomi Innkuan USA, Inc. Secretary of Genvai | Date: 10/25/2019 | Mangpha Pi SB Niang Go Cing, BawmKhai Beh,Kum 91

Tedim Khuami Portland, Oregon USA gam ateng Pi SB Niang Go Cing in October 23,2019 in tek natna tawh leitung nun tak napan ongnusia cihthu izaakmanin ZIUSA kipawlna min tawh dahpih na i pulak hi.

Pi Niang Bawi pen Pasian lam honsakna natawh 2008 in USA atung ahihi. Pi Niang Bawi pen Zomi te kipawl khopna Zomi Innkuan Portland ah member kician mahmah khat leh USA gamsung Zomi akuamapeuh luang kipham nading a akivaihawm ZIUSA Genvai ah onglut thukhun pom ni 11/27/2013 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Pi Niang Bawi tawh anunungpen hunzatkhop ding ong tungding Saturday 10/25/2019, 11:00am hun-in Funeral Services,9200 NE Fremont St,Portland,OR 97220 ah Manahouse Chuch makaih na tawh hehnep hunbawlkhopna neihkhit ciang leisung ah tuhna kineidinghi.

Pi Niang Bawi ong nusiatna hanga adahakap sangam tanau meltheih khuapih beh leh phung akuamakhempeuh hehnemsiampa kha siangtho in ong hehnem ciatta hen la I biak Pasian in a makiangpana ongpai khasiangtho in lungnop tawldamna ong guat kimciat nading ZIUSA kipawlna in thu kingetpih hi. Dahpihna Lianpitawh, Mun Mang (Genvai tanupi
10/25/2019)

RIP Pi Niang Go Cing (Kum 91)

Mipil, miciiim, mi pattah siam, Pasian leh Ama’ nasemte a it, mi thunuam, pawlhuai siam, numei hoih mahmah khat na hi hi. Lungnuam tak in na paita in. Nang bang ding mihing hamsa mahmah ding hi. Tawntung mun ah ih ki muhkik mateng Mangpha! Pu Thangboi (Photo taken on July 1, 2018)