Singapore Bugis Junction ii Escalator tungah pasalkhat akhe awk

Singapore Bugis Junction ii Escalator tungah pasalkhat akhe awk

Singapore gamsung Bugis Junction ah pasal kum 20 gualkhat Escalator akici setkahlei tungah akhe awksakkha cihi. Hih Accident pen zanni Wednesday (16 November) ni in thupiang hi a, zan 9:15pm hunpawl ahihi.

Escalator pen Basement panin dawlkhatna ah akahto hi a, tualaitak in tuapa akhe awksakkha ahih manin, nailang sungbang tuamun ah awkcip in kibuaipih hi.

Singapore Civil Defence Force (SCDF) te kiangah hihvai akizaksak ciangin Hydraulic Rescue Tools tawh hongkithawi uh a, Escalator panin honkhiathei uhhi. Ahi zongin Tan Tock Seng Hospital ah liamma te kibawlding in kipuaksuak cih Straits Times in genkhia hi.

Bugis Junction panin Ms Ivy Ang kici General Manager in agenkhiatna ah tua akhe a awkcippa pen kum 27 ci a, akhetul liam ahih manin zato ah kibawlding cihi.

Hih khangnopa pen akhetul Escalator ah aawklam alawmte’n atheih uhciang in Security Guards mi 2 tawh kaihkhiatsawm uh himahleh ki kaikhiaziau theilo cihi. Tuahang in Singapore Civil Defence Force te asam uh hi a, asapzawh Minute 10 sungin hongtungpah uh cihi.

Tusungteng muntuamtuam gamtuamtuam panin Escalator buaina kiza kawikawi hi. Nungdiak mahmahin naungek kha 4 bek aphapan khat Escalator tungpan kiasuk hi. Malaysia Shopping Mall khatahzong Escalator te pilhkhiagawp ngei hi. Anuai ah Link tepan ki simbehthei dinghi. ZD Sawltak #zomidaily