India galkap lut dan ding

India galkap lut dan ding

India pen leitungah galkap a hau pawl ahi hi. Galkap lut dan zong a
tuam tuam om in tuate pawlkhat gen ding hi hang;

Combined Defence Services Examination(CDSE): Hih pen Armed Forces nam
thum Army, Navy leh Airforce officer ding lakna ahi hi. Graduate khin
kum 19-23 kikal ten exam pia thei ding uh hi. Kum khat sungin Exam
nihvei om in CDSE I leh CDSE II kici hi.April leh October kha ciang in
examna kibawl zel hi. Army a lut dingin Arts Graduate zong hi thei
ahizongin Navy leh AirForce dingin 10+2 ah PCM hoih taka passed kuul
hi. Degree Result ngak te adingin zong Exam piak theih ahi hi.

Interview ciang Mark sheet va tawi ding hi ziau lel hi. Hih exam a
cingte pen Officers’ Training Academy(OTA), Chennai leh Indian
Military Academy(IMA), Dehradun ah kha 12 kiim training uh hi.
Leautenant pan kipan in a sawt lo in zakhangto pah uh hi. Lt. te
khasum PB-3: 15,600 +GP 5,400+MSP-6,000 = Rs 27,000 ahi hi. India gam
bupah CDSE Exam Centre 42 om hi. North east state a exam Centre te;
Aizawl, Dispur, Imphal, Agartala, Itanagar, Kohima, Shillong,Jorhat
leh Gangtok ahi hi. OTA ah English 2Hours 100 Marks, General Knowledge
2 Hours 100 Marks ahi hi. Mathematics kihel lo ahihmanin hoih bilbel
hi. Naval Academy leh Airforce (IMA) ah bel English, General Knowledge
leh Elementary Mathematics 100 Marks leh 2 Hours ciat ahi hi.

National Defence Academy and Naval Academy(NDA&NA): NDA &NA pen kum
simin Exam nih vei om hi. 10+2 Passed te adingin Exam theih ahi hi.
Result ngak te adingin zong exam theih ahi hi. Kum 17 – 19 kikal hih
kuul hi. Army ah Arts zong hi thei mahleh Navy leh Air Force adingin
10+2 (PCM) hoih taka zawh kuul se hi. Kum sim in March kha in NDA&NA
–I leh September kha ciang NDA&NA –II exam om den hi. Hih Exam tawh a
lut te a sin zawh ciangun Leautenant pan ki pan uh hi. Kum naupang cik
10+2 passed khin pheta Class-I officer hih theihna om sun ahi hi.
Military Services ah SC/ST te adingin kum lamah kitheihsiamna om tuan
lo hi.

A tunga i gensa CDSE leh NDA&NA pen UPSC te saina tawh Military
Services a lut theihna ahi hi. UPSC pua lam pana Military Services a
lut theih dan tampi om lai hi. Tuate pen Army Headquarters ten buaipih
uh hi.

University Entry Scheme(UES): Hih scheme pen Engineer sangnaupangte
adinga galkap(Army,Navy, Airforce) lut theihna ahi hi. BE/B.Tech sinna
college/University te ah Campus Interview va nei zel uh hi. Army
officer ding khamkholhna ahi hi. Hih pana kit eel te a graduate khit
phet uh January kha pawlin Officer Course Training pia pah uh hi. Sang
naupang a siam thei deuhte adingin chance hoih hi.

Short Service Commission(SSC): Technical Graduate kum 19-25 te adinga
chance kihong ahi hi. Numei sangin pasal ki tam laak zaw hi. SSB leh
Medical Board a zawh khit ciangun kaal 49 kiim OTA,Chennai ah training
uh hi.

Technical Graduate ahi lo First Class Graduate kum 21- 26 te adingin
zong SSC lut theihna om hi. A cingte OTA,Chennai ah kha 6 sung
training uh a, lieutenant pan kipan uh hi.

Short Service pen kum 5 sung bek ahi hi. Ahihhangin a ut lai te
adingin kum 5 mah kizawm thei lai hi. Tua khitciang kum 4 mah ki zawm
suak thei sawn lai hi.Kum 14 bang kisem thei cihna hi. Kum 2 khitciang
Permanent Commission a lut dingin deih teel theih hi lai deep hi. SSC
pana lut te Leautenant pan kipan in kum 6 ciang Major, kum 11 ciangin
Lt.Col dongin zakhangto thei uh hi.

Technical Graduate Course(TGC): Hih pen Army Education a sem ding II
Class ciang in nget theih ahi hi. SSB leh Medical Board a zawh
khitciangun IMA, Dehradun ah kum khat sin in Commissioned Officer ah
pang zel uh hi.

10+2 Technical Entry: CBSE, ICSE, state BSE a 10+2 Physics,Chemistry
leh Mathematics subject ah 70% Marks a ngah ten ngen thei uh hi.
Women Special Entry: Women Special Entry pen nam 5 om hi tuate; Non
Technical, Technical, NCC(Special), Judge Advocate General Branch leh
Army Education Corps te a hi hi. A nasep tuam tuam te uh zong AEC,
electronic and Mechanical Engineer, Engineers, Signals, Army Ordinance
Corps leh Military Intelligence Corps tea hi hi.

NCC Special Entry: BA/B.Com/B.Sc zo khin NCC”C” certificate grade”B”
nei te adingin nget theih ahi hi. Written Exam kuul se lo in Service
Selection Board(SSB) interview tawh direct a lut theih ahi hi. Kum
21- 25 ciang a ngen nuam ten Plain Paper tawh OC,NCC Unit ah ngetna
kipuak thei hi. Amau Director General, NCC West Block-IV, RK Puram,
New Delhi -110066 ah na puaksawn ding uh hi.

Judge Advocate General Entry: Law Graduates Mark 55% a ngah kum 21- 27
te adingin nget theih ahi hi. Written exam kuul loin SSB interview
leh Medical test bek tawh lut ziauh theih hi. Short Service Commission
dana kilut himahleh kumnih khitciang a lunglut te adingin Permanent
Commission a lut suak theih ahi hi.

Navy Officer a lut dan: UPSC pua lam pan Navy Officer a lut dan tuam
tuam om hi. NCC “C” certificate Grade”B” ngah te adingin lut theihna
om hi. Executive Branch ah Air Traffic Control/Logistic/Naval Armament
Inspectorate(NAI)/Hydro Cadres/ Aviation Law/ observer khawngah SSC in
kilut thei hi. NAI Cadres/Law ah Permanent Commission in kilut thei
hi. Engineering Branch ah zong UES/Special Naval Architecs Entry
Scheme, SSC(Edn) leh Permanent Commissiona lut dan tampi om hi.
Electrical Branch, Education Cadre, 10+ 2 Technical Scheme, UES, tawh
permanent commission dan tampi om hi.

Airforce Officer a lut dan: UPSC pua lam pan Airforce Officer lut dan
tampi om hi. Service Selection Board pan in Pilot, Aeronautical
Engineering, Education, Administration, Logistics, Accounts and
Meteorology ah kilut thei hi. UES/Women leh NCC”C” pan in zong lutna
chance om hi. Nidangin Airforce ah numei te SSC bek kiphal hi.
Ahizongin Numei officer te kipawl in Delhi High Court ah thubuai bawl
uh ahihmanin kum 2010 pan in numeite zong Airforce ah Permanent
Commission kiphalsak ta hi.

Doctors(MBBS/MS/MD/BDS) te adingin Army Medical Corps(AMC) ah lut
theihna chance hoih mah mah hi. Doctor te SSC officer a lut dingin kum
45 dong kiphal hi. Captain pan in kipan pah uh hi. A lut khit uh kum
30 a pha nai lo te Permanent Commission ah lut to thei uh hi.
Specialist te kum 3 ante-date seniority kipia hi. MDS te kum 2
ante-date seniority kipia in kum 2/3 sungin Major ngah thei uh hi.
Vety Doctors te zong SSC a lut dingin kum 45 nuaisiah kiphal hi.
Captain pan in kipan pah uh hi. MDS te kum 3 ante-date seniority kipa
hi. Kum khat leh a lang sungin Major ngah thei uh hi. Vety doctor leh
SSC leh PC ah lut thei tuak uh hi.

B.Sc(Nursing) te Military Nursing Survice ah lut thei uh hi.
Leautenant pan in kipan uh hi. Khasum pen PB-3: 15,600 – 39,100 + GP
5,400+MSP 4,800 = Basic Pay Rs 25,800 ahi hi. M.Sc(N) te kum 2
ante-date seniority kipia hi. Kum 4 sungin Captain ngah thei uh hi.
Naib Subedar ten PB2 zang uh hi.M.Sc/M.A with B.Ed te Grade Pay 2,800
banah Group X Pay Rs.1,400 ki piak beh lai hi.

Havildar ah Army Education School a sang sia a sem ding B.A, B.Sc
leh B.Com te adingin lut theih ahi hi. B. Ed a zo khin te ki deihsak
diak hi. Army Education a Havildar te Pay Band-1: 5,200+ GP 2,800+
MSP- 2,000 = Rs, 10,000 ahi hi. Naib Subehdar, Subehdar, Sub Major
ciang dongah Promotion omto thei hi. Commissioned Officer a lut
theihna hoih tak om zel hi.

Religious Teacher(JCO) ding zong Hindu,Pandit leh Christian te
adingin kila zel hi. Christian biakna tawh kisai Padre dingin B.Th/B.D
kum 27 -34 kikal amau omna pawlpi a ordained ten nget theih hi. Ngetna
lai HQ Recruiting Zones, Shillong- 793001 ah khak ding ahi hi.
Envelope tungah “Application for JCO(Religious Teacher) RRT…Course”
cih gelh ding ahi hi. Exam pen Paper I:General Awareness lam hi in 250
Marks ahi hi. Paper II: Biakna tawh kisai dotna hi in 250 Marks mah
hi. Aggregate in 50% Marks muh kuul hi. Naib Subedar(Jamadar) te
khasum Pay Band -2: 9,300 + GP 4,200+ MSP -2,000 = RS.15,500 pan
kipan uh hi.

Officer ahi lo galkap nautaang lakdan tawm genbeh zek lai ni;
Army General Duty(GD) lakna India gamah Zonal recruiting Office 11,
Gurkha Recruiting Depot 2, Independent Recruiting Office 1, Regimental
Centre 47 leh Army recruiting Office 59 om hi. Amau recruitment Rally
bawl in amau area ciat pan kumsim in galkap la zel uh hi. Army
Recruitment Rally ah GD bek tham lo in Clerk, Store
Keeper,Technical(Group X&Y) te zong kila zel hi. Clerk leh Store
Keeper dingin Class XII passed leh Computer siam kideih hi. Technical
dingin 10+2(PCM) bek kideih hi. Galkap nautaang General Duty te khasum
5,200 – 20,200 +GP 2,000+ MSP 2,000 = Rs 9,200 ahi hi. Hih banah DA
leh Allowances dang zong om lai hi.

Sailors(Navy) pen Written exam, Physical fitness test leh Medical exam
tungtawn a lak ahi hi. Navy ah 10+2(PCM) te adingin Artificer
Apprentices ah lut theih hi. Direct Entry for Diploma Holders, Senior
Secondary Recruits(SSR), Matric Entry Recruits cih khawng om hi.
Matric Entry te Cook,Steward,Musician etc. khawngah om uh hi. Non
matric Entry te bel Safaiwala(ClassVI) hi mai uh hi. Sport lam pan
petty officer dingin direct entry zong om hi.

Airmen zong Airmen Selection Board ten Selection Centre 14 pan in la zel uh hi.
National Cadet Corps(NCC) pen India gamah kum 1948 in ki din hi.
India gam district 606 a College 5377 leh School 8454 ah om in mi 13
lakhs bang pha ding hi. A makai lian pen Director General Delhi ah om
hi. India gam sungah NCC Directorate 16 om hi. NCC pen galkap officer
ten training pia zel uh hi. Haksat buaina lian a om cianga Galkap te a
huh thei dinga ki ngaihsun ahi hi.

Galkap nam thum Commissioned Officer te Rank kikimdan
Army Navy Airforce
General Admiral Air Chief Marshal
Leautenant General Vice Admiral Air Marshal
Major General Rear Admiral Air Vice Marshal
Brigadier Commodore Air Commodore
Colonel Captain Group Captain
Leautenant Colonel Commander Wing Commmander
Major Leautenant Commander Squadron Leader
Captain Leautenant Flight Leautenant
Leautenant Sub Leautenant Flying Officer

Galkap tum a hoihna: Gam leh nam adinga kipia khia tak tak pen Galkap
tea hi uh hi. Gam leh nam adinga sih a kuul leh zong a si ngama kipia
khia ahih mah bangun kumpi in zong pakta hi.Tua ahihmanin khasum zong
hoih sem sem hi. Sixth Pay Commission bangin Armed Forces te
ngaihsutna in Military Service Pay(MSP) bawl hi. Army, Navy leh
Airforce Officer te adingin Rs 6,000 leh General Duty te adingin Rs
2,000 seh sak hi. Ama in Lt.Col te Pay Band 3 ah kikoih mahleh tun Pay
Band 4 ah om ta uh hi. Galkap ten kumsim in Earned Leave ni 60 leh
Casual Leave ni 20 nei thei uh hi. LTC zong kumsim in zang thei uh hi.
India galkap ah Zomi a tam thei thei lutzo leeng India kumpi in zong
hong thusim ding hi. Galkap Officer te citak mah mah uh ahihmanin
Company lian ten Managing Director/General Manager dingin deih mah mah
uh hi. Galkap Officer sungah Corruption tawm hi. Civil lam ah nasep
muh na ding baih nawn lo hi. Private school khawngah lah khasum tawm
lua deuh sam hi. Galkap sungah pen lut theihna ding chance tam mah mah
lai sam hi. Khasum kikim citciat Civil a semte sangin sum khawl thei
zaw uh hi.Bang hang hiam cih leh a free tuam tuam tam mawk hiven.
Zomi ten India kumpi sum i neekpih theihna khat hi. Gentehna in Zomi
India galkap 4,000 bang om leeng, kum khat in India kumpi sum Zomi ten
Rs.76.8Crores bang ki neekpih thei ding cihna hi.

Pau Tun Thang