Poland gamah meileng khatin Truck mawtawpi phukha, mi 19 liam
Europe sung aom Poland gamah meileng khatleh Truck mawtaw golpi khat kiphukha ahih manin mi 19 liam cih AP News pan kiza hi. South-western Poland aom Schodnia khua ah Friday ni in thupiang ahihi.
Mawtaw in meileng lampi akan tanna “Railway Crossing” ah meileng in mawtaw aphukha hi a, tua Railway Crossing pen mi angak “Guard” omlo cihi. Mi 19 liamin zato ah kipuakpah uh a, tualak ah mi 7 tepen liamngawh phadiak in gimngawh mahmah uh “Life-threatening injuries” kici hi.
National Firefighters Spokesman Pawel Fratczak ii genkhiatna ah aphakha meileng pen Pendolino intercity train hi a, nitaklam 3pm hunpawl in aphukha cihi. Meileng tungah Passengers mi 300 bang atuang hi a, meileng amailam zong siatna om cihi.
Meileng apeizong lampi panin tawm pialkhia in, ahi zongin dingtangzo veve cihi. Local Media te’n Photo akhahkhiatna ah phutkhak athuak Truck mawtawpi pen zencipgawp himahleh ahawlpa pen liamna omlo cibilbel ahih manin lamdang kisaliang hi.
Regional police spokeswoman Monika Mrugala in agenna ah pawlkhat aliamte pen gimlua mahmah uh ahih manin, Helicopter tawh amanlang in zato ah kipuak cihi.
Hih akiphukha Truck mawtawpi tungah adang mawtaw golpi khatmah apua hi a, meileng lampi kanna Railway Crossing ah akan laitak in meileng in aphukha ahihi. Mawtaw anih in limsiat mahmah kici hi.
Meileng tungah atuang Passengers aliamlo tepen ageinai aom Restaurant khatah ki tawlngasak in, tuapan in Bus tawh apainading uhah kipuak cih kiza hi.
Video: 2016 kum meileng in mawtaw ataih laitak
2016 kumsung inzong Poland gamsung mahah meileng in Truck khat lampi akantan laitak nawkkha ngei hi. Train ahawlpa in meileng lampi tungah Truck khat a awkcip amuhphet in manlangtak in Passengers te omna lamah taikhia a, Passengers te Warning piasaisai hi.
More: Thailand leh Malaysia Express Train tungah gul 181 kiman
Passengers tezong thumangtak in meileng tutna nuaiah busukpah uh ahih manin, aliamgawp kuamah omlo cihi. Train Driver pa ii hanciamna pen thupi kisa mahmah in, ki pakta mahmah hi. ZD Sawltak #zomidaily
Comment piaknop aomleh...